​”Chi”: Të dashurit e Lady D pas divorcit me princin Charles

Pas divorcit me princin Çarls, princesha Diana pati të paktën 20 të dashur.

Deklarata vjen nga një intervistë me Dai Davis, ish-zyrtar i Policisë Metropolitane të Londrës, që do të botohet nesër në revistën e përjavshme ”Chi”.

Për tre vite rresht, nga 1995-a deri në vitin 1998, Dai Davis komandoi 450 persona të ngarkuar për ruajtjen e pallatit mbretëror, Windsor, raporton ANSA.

Mes personazheve më të njohur ishte regjisori dhe aktori amerikan, Kevin Costner, i cili dëshironte që Diana të interpretonte vazhdimin e filmit ”The Bodyguard”, edhe pse kjo e fundit nuk kishte asnjë qëllim për t’u shfaqur në filma.

“I pëlqente shoqëria e meshkujve. I pëlqente gjahu, të ishte e gjuajtur dhe të gjuante”, konfimon Davis. Ish-shefi i sigurisë heq një herë e përgjithmonë dyshimet që Harry nuk ishte djali i Çarlsit dhe se Diana ishte viktimë e një atentati. Davis e shpjegon duke zbuluar një detaj që deri tani ka mbetur mister.

“Atë ditë princesha ndryshoi itinerarin në momentin e fundit. Duhej të shkonte në Itali, por pastaj shkoi në Paris me Dodi Al Fayed. Ishte e pamundur të organizoje një atentat me këtë ndryshim programi. Këmbëngul se njeriu përgjegjës për vdekjen e Dianës ishte shoferi Henri Paul. Ishte i dehur dhe nuk duhej ta ngiste makinën”, deklaron Davis.

Comments

comments