Çfarë po `ngatërrojnë` serbët në Bosnjë? Gjermanët: Nëse krijohet Serbia e madhe, s’mund të ndalojmë Shqipërinë e madhe

Në Bosnjë dhe Hercegovinë serbët dëshirojnë të përfundojnë bashkëqeverisjen me myslimanët  dhe kroatët. Një rrezik për Ballkanin, shkruan analisti Stefen Honig për median gjermane volksstimme.de. Nuk është më tabu, se kufijtë e Europës mund të ndryshojnë në të ardhmen.

Rusia e Vladimir Putinit tregon fakte për pushtimin e Krimesë, presidenti turk Rexhep Taip Erdogan, flet për Turqinë e madhe dhe vë në pikëpyetje pronësinë e ishujve grekë. Milorad Dodik është gjithashtu president.

Ai udhëheq me Republikën Srpska, zyrtarisht pjesë e Bosnjës dhe Hercegovinës. Prej vitesh ai lufton për pavarësinë e territorit me rreth 1.2 milion banorë. Në gjysmën e parë 2017, siç ka paralajmëruar presidenti, do mbahet referendum për pavarësinë. Plani i Dodikut është pavarësimi i Republika Srpska dhe më pas bashkimin e saj me Serbinë.

“Kjo ide për bashkimin tonë me Serbinë është mjaft e bukur,” tha Dodik për të përditshmen e Beogradit “Kurir”. Sipas Marrëveshjes së Daytonit 1995 u krijua një status i vlefshëm mes federatës boshnjake-kroate, Republikës Srpska dhe territorit të veçantë Bërçko. Sipas demografisë rreth 50 përqind e popullatës janë myslimanë, 35 për qind janë serbë ortodoksë, dhe 15 për qind kroatë katolikë.

Vetëm boshnjakët duan një republikë të bashkuar. Kroatët duan të bashkohen me Kroacinë, ndërsa serbët unanimisht kërkojnë bashkimin me Serbinë, raporton Botasot. Administrata qendrore ndodhet në Sarajevë, ku presidenca shtetërore ka tre përfaqësues: një boshnjak, një kroat dhe një serb. Ekonomia e Bosnjës mezi qëndron në këmbë.

Pavarësisht se rritja ekonomike vjetore është mes 2 deri në 3 për qind, megjithatë papunësia arrin në 30 përqind, ndërsa te të rinjtë kjo shifër është deri në 60 për qind. Beogradi nuk dëshiron të ndihmojë. Punëdhënësi më i madh është administrata e stërmbushur. Rroga mesatare mujore në vend është 430 euro, ndër më të ulëta në Europë.

Brukseli ka financuar ekonominë boshnjake, ku në intervalin 2014 deri 2017 janë parashikuar të dërgohen 168 milion euro nga Brukseli për Sarajevën.

Milorad Dodik ka vendosur gardh për këto financime, ai merret me problemet e shtetit të tij të ri. Për mbështetje nga Beogradi ai nuk mund të shpresojë, për shkak se Serbia nuk mund ti rrezikon ambiciet e saj për anëtarësim në BE. Kjo mund të merrej si pretekst për pavarësinë e Kosovës.

Krijimi i një Serbie të madhe do ndryshonte balancat në Ballkanin perëndimor, sepse ndër shqiptarët ngjashëm do mund të bashkohen Shqipëria, Maqedonia dhe Kosova. Në fakt Dodik mund të presë mbështetje nga vëllezërit sllavë në Rusi, plus që Rusia e ka ëndërr të ketë një kryeurë mbi Ballkanin.

Comments

comments