Haxhi Krasniqi i gatshëm për duelin e 16 marsit

Supertalenti i boksit shqiptar Haxhi Krasniqi me 16 Mars 2013 do të ngjitet në ring për të zhvilluar luften më të rëndësishme të karrierës së tij dhe luftën e ëndrrave shqiptare. Krasniqi lufton në Wembley Arena kundër kampionit të botës Nathan Cleverly dhe pretendon të shënoj fitore e të befason Britaninë e Madhe. Për pwrgaditjet dhe detajet e tjera, Haxhi Krasniqi rrëfehet në intervistën ekskluzive për INA. 

Intervistoi: Zimer Jashari/INA

INA: Jemi para ndeshjes tuaj të rëndësishme në karrierën tuaj. Çfarë pritni nga kjo përballje?

Së pari e pres një luftë shume të madhe të vështirë, e pas 12 raundeve e pres të mbaj titullin e botës në duart e mija.

INA: Të gjithë adhuruesit tuaj janë duke pritur fitore nga ti. Je i gatshëm t`ua dhurosh këtë kënaqësi ?

Natyrisht se po, ështe një kënaqësi e madhe që të bësh të lumtur dikë. Kjo ështe një gjë që me mua me jep edhe më shumë kurajo.

INA: Sa e njeh kundërshtarin, meqë ai ka më shumë meçe të zhvilluara ?

Ai si profesionist ka më pak duele se unë, por ai i ka dhjetëra duele amatore, kurse unë nuk e kam zhvilluar asnjë duel amator. Cleverly ështe një kundërshtar shumë i rrezikshëm, nuk ështe bërë kampion bote kot, andaj më duhet të jem shumë i kujdeshëm dhe në formën më të mire të jetës sime për ta mposhtur ate.

INA: Nëse arrin të fitosh këtë meç, të cilën besojmë se do jetë i yti, do të ngritesh në ndonjë kategori më të lartë?

Jo, nuk mendoj njëherë në ndonje kategori tjetër, ka shume punë për tu bërë në kategorine time, e cila ka shumë konkurencë të madhe.

INA: Pas përfundimit të këtij meçi, cilat janë synimet tuaja për në të ardhmen?

Synimi do të ishte që të mbroja këte titull sa më shume here që do ishte e mundur.

INA: Ëndrra juaj vazhdon të mbetet që të zhvilloni një meç në Kosovë ose Shqipëri, edhe sa duhet të presim deri tek ajo ditë e madhe?

Normalisht që secili boksier ka deshire të ndeshet në Atdhe, por kjo varet nga shume faktor të ndryshem. Shpresoj se Kosova se shpejti do të ndërton një palestër të madhe për evenimente të ndryshme dhe me shume kenaqesi do e kisha par veten duke boksuar aty.

INA: Për në Fund keni dicka të shtoni?

Ju falemnderit juve për interesin dhe i falnderoj të gjithë ata që po më përkrahin në drejtimin e  karrieres sime.

INA: Për fund të urojmë suksese në meçin që do mbahet më 16 mars dhe të përshendesim nga mbara Shqiptarija.

Faleminderit shume.

(INA)