ILIRIA NEWS AGENCY: Fushë-Krujë, një i vdekur dhe dy të plagosur në aksident

Fushë-Krujë, një i vdekur dhe dy të plagosur në aksident
================================================================================
naser  pajaziti on 13/05/2012 09:03:00
 
Një aksident me pasojë vdekjen ka ndodhur në orët e parë të ditës së
sotme në Fushë-Krujë.
Mësohet se nga përplasja e një një fuoristrade tip ‘Toyota’ me një
trajler, ka mbetur i vdekur drejtuesi i fuoristradës, si dhe janë plagosur dy
persona të tjerë, informon Balkanweb.
Viktimë ka mbetur shtetasi Ervin Gjika, 21 vjeç, i cili drejtonte
fuoristradën, ndërsa identiteti i të plagosurve që udhëtonin bashkë me të
nuk bëhet i ditur. Ata janë transportuar drejt Spitalit Ushtarak, ku dhe po
marrin ndihmën e parë.
Nga të dhënat e para të policisë, dyshohet se shkak i aksidentit ka qënë
shpejtësia me të cilën lëviznin mjetet. Mësohet gjithashtu se, polica ka
bërë shoqërimin e drejtuesit të trajnerit. (INA)