Gjenerali serb kërkon raketa që arrijnë çdo cep të Kosovës

0

Serbia po planifikon të blejë sistem raketor i cili zhvillon luftë në largësi më të mëdha se 400 kilometra, ka bërë të ditur Shefi i Shtabit të Përgjithshë, të Ushtrisë së Serbisë, gjenerali Lubisha Dikoviq.

“Natyrisht se po shqyrtohen edhe sistemet S 300 dhe BUK, por edhe sisteme të tjera”, ka thënë Dikoviq për mediat serbe.

Sipas tij, situata aktuale dhe marrëdhëniet ndërkombëtare ndikon në planet e zhvillimit dhe aftësisë së Ushtrisë së Serbisë.

Ai nuk ka treguar se çka ka ndikuar që të mendohet për këtë sistem raketor, i cili arrin gati çdo cak në territorin e Kosovës.

Kujtojmë se largësia rrugore ndërmjet Prishtinës dhe Beogradit është pak më shumë se 400 kilometra, por në vijë ajrore kjo largësi shkurtohet edhe më shumë.

Njeriu i parë i ushtrisë serbe ka thënë se në vitin 2018 Ushtria e Serbisë ka marrë impuls të fuqishëm dhe forcë me rritjen e fitimeve, si dhe do të punojë edhe më tutje në rritjen e moralit të forcave të armatosura.

“Do të vazhdojmë me realizimin e projekteve 1.500 dhe 1.500 plus. Do të fillojmë modernizimin e tankeve M-84 dhe automjeteve luftarake të këmbësorisë, në mënyrë që ta përmirësojmë mbrojtjen dhe gatishmërinë”, ka thënë Dikoviq për RTS.

Gjenerali Dikoviq dyshohet për krime lufte në Kosovë në vitin 1999, por deri më tash ai është mbrojtur fuqishëm nga shteti serb, duke mos u përballur me këto akuza. /Express/

Komentet

komentet