Ivica Daçiq ia thotë këngës ‘Osman Aga’, Erdogan dhe bashkëshortja i duartrokasin (VIDEO)

Presidenti i Turqisë, Recep Tayyip Erdogan, ka qëndruar sot në Beograd, në kuadër të një vizite zyrtare.

Mirëseardhje në Serbi, atij i ka uruar homologu serb, Aleksandar Vuçiq.

E, për disponimin e mysafirit turk është përkujdesur personalisht edhe ministri i Punëve të Jashtme i Serbisë, Ivica Daçiq.

Shefi i diplomacisë serbe është bërë këngëtar për pak minuta, në një darkë të shtruar për nder të vizitës së presidentit turk në Serbi.

Daçiq, në një moment gjatë darkës, është ngritur në këmbë dhe ka rokur mikrofonin, për të kënduar këngën “Osman Aga”.

Performanca e Daçiqit i ka pëlqyer kreut turk, por edhe bashkëshortes së tij. Që të dy kanë duartrokitur ministrin serb, ashtu sikurse edhe shumë të pranishëm të tjerë.

Comments

comments