Kandidati i PDK-së, Agim Aliu zgjidhet kryetar i Ferizajit

Kandidati i Partisë Demokratike të Kosovës, Agim Aliu ka fituar zgjedhjet e djeshme lokale në komunën e Ferizajit. 

Sipas rezultateve të Komisionit Qendror të Zgjedhjeve, Aliu ka fituar 57. 59 për qind të votave, ndërsa kundërkandidati i tij nga Lidhja Demokratike e Kosovës Adem Salihaj ka fituar 42.41 për qind të votave.

Sipas KQZ në balotazh ka pasur një numër të vogël të votuesve, edhe ate 27,49 për qind, pas thirrjes të disa partive për të bojkotuar zgjedhjet. Zgjedhjet kanë kaluar pa incidente ndërsa Demokracia në Veprim ka shënuar disa parregullsi gjatë votimeve.

Zgjedhjet në Ferizaj u mbajtën pasi që ish-kryetari i komunës Bajrush Xhemajli u detyrua të vuaj burgun, për shkak të shkaktimit të vdekjes së një qytetari në një aksident në hyrje të Prishtinës. (INA)