Mërgimtarë, ejani në Prekaz!

Manifestimi qendror i mërgatës do zhvillohet në Prekaz. Ministri i Diasporës, Ibrahim Makolli në një intervistë për “Tribuna Shqiptare”, thotë se e kanë marrë këtë vendim për shkak se Prekazi është vendi që i bashkon të gjithë shqiptarët.

“Ky vend është shndërruar në një qendër të cilën çdo mërgimtar që vjen në Kosovë shkon për ta vizituar. Ne kujtojmë dhe besojmë se vendi më adekuat në këtë rast për të shënuar ditën e mërgatës është pikërisht Prekazi”, thekson Makolli.

Ai beson se ka shumëçka që e i bashkon mërgimtarët me Prekazin, transmeton Indeksonline.

E ndërkohë, ministri premton se do të angazhohet që të mos lejojë që mërgimtarët të bien viktima të proceduarve burokratike gjatë hyrjes në Kosovë. E për këtë, Ministria e Diasporës do koordinohet me Doganat e Aeroportin e Prishtinës. (INA)