advertisement
Fillimi | Lifestyle | Coca-Cola, ulë 30% numrin e spermatozoidëve
  • email Email shokëve
  • print Printo
  • Plain text Vetem tekst

Coca-Cola, ulë 30% numrin e spermatozoidëve

Coca-Cola, ulë 30% numrin e spermatozoidëve

E krijuar për herë të parë nga Dr. John Stith Pemberton në vitin 1886, Coca-Cola është shndërruar në markën me shitjet më të mëdha të pijeve freskuese në botë. Duke marrë parasysh gjithë këtë sukses, Coca-Cola është mbuluar në shumë raste për efektet negative të saj mbi shëndetin.

Coca Cola

Cilët janë përbërësit e kësaj pijeje?

Coca-Cola ka një formulë që ruhet me tepër besnikëri nga kompania mëmë dhe sot vetëm hamendësohet mbi të. Përveç kësaj, çdo kompani dytësore në vendet përkatëse ka një formulë të vetën që ndryshon pak nga ajo e kompanisë mëmë.

Pavarësisht këtyre, ajo që dimë për Coca-Cola është që përmban ujë të gazuar, sheqer, aspartam (ëmbëlsues me pak kalori), ngjyruesin 4-metilimidazol (4-MI), kafeinë, acid fosforik, sasi gjurmë (shumë të vogla) alkooli dhe substanca të tjera aromatizuese, konservuese etj.

Ngjyruesi 4-metilimidazol

Jo më larg se disa javë më parë në Britaninë e Madhe bien këmbanat e alarmit për efektet negative të këtij ngjyruesi. Gjithashtu, në SHBA (Kaliforni) autoritetet kërkojnë që të gjitha pijet që përmbajnë këtë ngjyrues (në sasi mbi 30 mikrogramë) të vendosin një tabelë paralajmëruese në produktet e tyre.

Në këtë mënyrë ia lënë konsumatorit zgjedhjen nëse do ta konsumojë produktin apo jo. E gjitha kjo sepse ky ngjyrues ka rezultuar se është kancerogjen në testet laboratorike me minj. Për këtë arsye, Coca-Cola në SHBA ka ndryshuar procesin e prodhimit për të pakësuar nivelet e kësaj substance.

Por në vende të tjera ende nuk është marrë një masë e tillë. Sasia e 4-MI e gjetur në kanaçet e Coca-Cola në Britani është 135 mikrogramë, ose rreth 34 herë më e lartë se sa në SHBA. Sa është kjo vlerë në vendin tonë? Këtë nuk e dimë, por dimë që në çdo vend sasia e kësaj substance është më e lartë se në SHBA, duke filluar nga 56 mikrogramë në Kinë e deri në 267 mikrogramë në Brazil.

Aciditeti

Coca-Cola është një prej pijeve më acide në treg. Është parë se kjo pije ka një pH të përafërt me atë të uthullës, midis 2.0 dhe 3.4, sipas Administratës për Ushqimet dhe Medikamentet (FDA) në SHBA. Aciditeti i lartë me kalimin e kohës i dëmton tejmase dhëmbët.

Përveç kësaj, aciditeti i lartë në stomak është një prej faktorëve të formimit të ulçerave dhe erozioneve.

Sheqeri

Një kanaçe Coca-Cola 330 ml përmban rreth 39 gramë sheqer, ose 13% të sasisë ditore të rekomanduar të sheqerit që duhet konsumuar. Është një nga shkaktarët, së bashku me aciditetin, e dëmtimit të dhëmbëve. Përveç kësaj ndikon në marrjen e tepërt të kalorive dhe shtimin në peshë, duke shtuar efektet negative në organizëm.

Kafeina

Një kanaçe Coca-Cola 330 ml përmban rreth 64 mg kafeinë. Kafeina e fillon veprimin kur futet në gjak pasi përthithet nga stomaku dhe zorrët e holla, gjë që ndodh 15-60 minuta pas konsumimit. Kafeina ngushton arteriet dhe venat dhe shton rrahjet e zemrës duke e mbingarkuar këtë të fundit.

Gjithashtu, kafeina frenon oreksin. Pas pirjes së një pijeje me kafeinë merret një sasi e caktuar kalorish dhe uria shuhet, por trupi fillon ta lidhë urinë me konsumimin e pijeve të tilla. Prandaj është e rëndësishme që konsumimi i këtyre pijeve të mos bëhet asnjëherë nëse jemi të urituar apo kemi disa orë pa ngrënë gjë. Kafeina është gjithashtu një diuretik, që do të thotë ndihmon largimin e ujit përmes veshkave.

Kjo shkakton krampe intestinale dhe irritim të veshkave. Së fundi, kafeina është një substancë adiktive, prandaj ndërprerja e menjëhershme e konsumimit të kafeinës shkakton simptomat e abstinencës, kryesisht dhimbje koke dhe humor të keq.

Acidi fosforik

Pijet freksuese janë të njohura për sasitë e larta të fosforit dhe sasitë e ulëta të kalciumit. Për këtë arsye, ato renditen ndër faktorët që mund të shkaktojnë osteoporozë, sidomos te njerëzit e predispozuar (psh. gratë në menopauzë) pasi ai nxjerr kalciumin nga kockat. Sa për ilustrim, acidi fosforik, me një pH rreth 2.8, do të tresë një thua për 4 ditë.

Aspartami

Siç e përmendëm më sipër është një prej ëmbëlsuesve artificialë (rreth 200 herë më i ëmbël se sheqeri) që përdoren për shkak se kanë vlerë të ulët kalorike. I miratuar në vitin 1981 nga FDA si aditiv në ushqime, e më pas në vitin 1983 edhe në pije, aspartami është një nga substancat që vazhdon të ngjallë shumë kundërshti. Shumë e konsiderojnë si substancë të sigurt kur përdoret në nivelet e rekomanduara, por ka të tjerë që thonë se është substanca më e dëmshme që ekziston.40% e aspartamit është acid aspartik (ose aspartat) dhe pjesa tjetër fenilalaninë.

Aspartati është një neurotransmetues eksitues që vepron në tru duke lehtësuar kalimin e informacionit nga një neuron në tjetrin. Sasitë e mëdha të aspartatit ose glutamatit në tru i vrasin qelizat nervore pasi rrisin futjen e kalciumit në to. Përpara se të vihet re një simptomë apo shenjë janë shkatërruar 75% ose më tepër e qelizave nervore në atë zonë të veçantë të trurit.

Sipas zonave të prekura, problemet që mund të shfaqen janë: dhimbje koke/migrena, nauze, lodhje, çrregullime të gjumit, çrregullime të shikimit, kriza ankthi, depresion, humbje kujtese etj. Gjithashtu është shumë e rëndësishme që marrja e aspartamit të shmanget te pacientët me fenilketonuri (sëmundje e lindur gjenetike). Produkte të tjera të dëmshme të aspartamit janë fenilalanina dhe metanoli (alkool toksik).

Efekti mbi spermën

Mundësia e një efekti spermicid (vrasës të qelizave të spermës) të Coca-Cola u raportua në fillim në vitin 1985 në New England Journal of Medicine. Dy vite më pas, disa kërkues në Kinë zbuluan se Coca-Cola pakëson lëvizshmërinë e spermës, por nuk ka një efekt të theksuar.

Në Mars 2010, u raportuan rezultatet e një studimi danez, sipas të cilave meshkujt që konsumonin 2-3 kanaçe Coca-Cola në ditë kishin pakësim me 30% të numrit të spermatozoideve. Kërkuesit mendojnë se luan rol edhe ushqyerja në përgjithësi, pasi njerëzit që nuk konsumojnë Coca-Cola, përgjithësisht janë më të prirur të konsumojnë fruta dhe perime të freskëta, më pak kafeinë dhe bëjnë një jetë më të shëndetshme.

Vlerëso tekstin
4.00

Subscribe to comments feed Komente (0 publikuar):

total: | Treguar:

Publikoni komentin tuaj comment

Ju lutem shënoni kodin që shikoni në imazh:

Tjera nga Lifestyle
Previous
image
Ndeshuni deri në ngordhje!
Qindra persona të mbledhur për të parë qentë që ndeshen me njëri-tjetrin derisa njëri të ngordhë. Kjo është skena që shihet zakonisht në veri të ...
image
Kafeja i bën mirë zemrës
Pirja e disa filxhanëve me kafe gjatë ditës ndihmon njerëzit që të shmangin bllokimin e arterieve të zemrës, duke hedhur poshtë teoritë e ...
image
Bill Gates më i pasuri në botë
Për të dytin vit radhazi, Bill Gates shpallet njeriu më i pasur në planet nga revista “Forbes”. Themeluesi i “Microsoft”, ashtu si ...
image
Ja si ta përmirësoni memorien shpejt e shpejt
Një studim i bërë tash së fundmi, e që u publikua në revistën “Legal and Criminal Psychology”, thoshte se, duke mbyllur sytë, ju mund t’i ...
image
Shpati prezanton të dashurën ?
Që prej ndarjes nga këngëtarja dhe modelja e famshme kosovare Afërdita Dreshaj, Shpat Kasapi nuk ishte parë me ndonjë vajzë në krah. Vetë Shpati nuk ...
image
OBSH: Mos dëgjoni shumë muzikë!
Njerëzit nuk duhet të dëgjojnë muzikë më shumë se një orë në ditë, për të mos dëmtuar dëgjimin e tyre, rekomandon Organizata Botërore e ...
image
Shqiptarja nga Kosova, lindi binjakë në moshën 60-vjeçare
Një femër 60-vjeçare, në Wels të Austrisë të mërkurën ka lindur fëmijë binjakë. Ajo është një shqiptare nga Kosova, shkruajnë mediat austriake, ndërsa ...
image
Dhjetë disavantazhet e njerëzve të bukur
Bota është plot me njerëz që ankohen për pamjen e tyre, për trupin që fati u ka krijuar, për defektet e ndryshme fizike…pra, për pasojë ...
image
Qyteti oazë që lulëzon në mes të vendit më të thatë në tokë (Foto)
Në mes të një prej vendeve me më shumë thatësirë në botë, ndodhet një oaz me palma dhe liqen që mendohet se ka ...
image
Yllka Gashi: A s'ju vjen marre me postu sene të shtrejta a, dikush vdes për bukë !?
Aktorja Yllka Gashi ka shprehur mllefin e saj për publikimet e rrobave dhe lukseve nga ana e njerëzve në Facebook. Ajo ka shkruar se ...
image
Në Dubai s’bie shi, bien para
Dubai është shndërruar në sinonim i mirëqënies, sheikëve dhe parave pa fund që sigurohen më së shumti nga shitja e “arit të zi”; naftës.  Falë këtyre ...
image
Parashikimet e motit për pranverën që vjen
Meteorologët parashikojnë se periudha mars-maj 2015 do të jetë pak më e ngrohtë në krahasim me mesataren e temperaturave, me të reshura të konsiderueshme. Pritet ...
image
Lamtumirë mitisereve – pikave të zeza në lëkurë
Rregulli kryesor apo ndoshta edhe më i vështiri është që mitiserët nuk bën të shtrydhen, sepse në këtë mënyrë hapni infeksionin dhe bëni më shumë ...
image
Studiuesit amerikanë: Kafja, në dietën ditore
Konsumimi i përditshëm i kafes mund të na mbajnë larg doktorëve, bën të ditur një panel shkencëtarësh i ngritur nga qeveria amerikane, me detyrën për ...
image
I goditën me top bore dyqanin, vret gazetarin
Një lojë me topa bore ka përfunduar në tragjedi në Stamboll të Turqisë. Pronari i një dyqani ka vrarë me thikë një person pasi xhami i dyqanit të tij u godit nga një top bore. ...
Next