Limaj thotë se ka sinjale pozitive nga Mali i Zi për planin e tij për demarkacionin

0

Zëvendëskryeministri i Kosovës, Fatmir Limaj ka rrëfyer përpjekjet e tij për gjetjen e një zgjidhje për demarkacionin. Limaj ka thënë se ka sinjale pozitive për të punuar në variantin e propozuar nga ai. Ai ka bërë me dije se qysh nga tetori po merret me çështjen e demarkacioni.

Zëvendëskryeministri ka folur edhe për vizitën e tij të shumëpërfolur në Mal të Zi.

“Vizita ime ka qenë e koordinuar dhe paraprakisht jemi konsultuar. Vizita ime ka qenë shtetërore. Ajo që unë mund të them është se Kosova e ka të nevojshme dhe vullnetin t’i ruajë marrëdhëniet e mira me Malin e Zi”, ka thënë Limaj në Rtv Dukagjini.

“Rrëzimi i këtij varianti ose kalimi i këtij varianti lejnë pasoja. Anulimi na fut në një situatë të panjohur dhe të komplikuar. Edhe nëse kalon kështu nuk është mirë për këtë vend, sepse deputetët kanë dilema. Është një mes i artë që na mundëson me gjete një rrugë duke gjetur interesat e përbashkëta të dy vendeve. Ideja është nëse ka gabime të korrigjohen. Grupet e eksperteve tanë le të dalin në terren dhe të shihet se aty ku dyshohet se ka pasur gabime të mundësohet të korrigjohet dhe dy qeveritë të pajtohen me këtë”, ka deklaruar Limaj.

Më tutje, Limaj ka thënë duhet biseduar ende kjo temë me partnerët në qeveri dhe pastaj me partitë opozitare

“Lajm i mirë është vizita e kryeministrit malazez dhe natyrisht se do të jetë temë edhe demarkacioni. Ka kohë deri në mars që të zihen afatet.

 

Komentet

komentet