Rikonstruktohet ujësjellësi i Balindollit të Vjetër

Ekipe të Ndërmarrjes publike “Komunalec” – këtyre ditëve janë duke realizuar rikonstruktimin e ujësjellësit të Balindollit të Vjetër të Gostivarit. 

Në kuadër të këtij projekti, ndërtohet linja e re e ujësjellësit, respektivisht vendosen tubacione të reja prej te kaptazhi deri te rezervuari me gjatësi prej 250 metrash. Gjithashtu projekti parasheh edhe ndërtimin e kaptazhit të ri, ku do të grumbullohen ujëra nga më shumë burime, me çka do të rritet edhe kapaciteti i ujësjellësit, ndërsa riparohet edhe rezervuari ekzistues i ujit.

Sipas drejtorit teknik të NP “Komunalec”, Vullnet Çerkezi, me intervenimet qe janë në vijim, për një periudhë më të gjatë do të përmbushen nevojat e banorëve të Balindollit të Vjetër, vendbanim ky me rreth 100 amvisëri dhe rreth 400 banorë.

Mjetet për realizimin e projektit në fjalë, janë  siguruar nga NP “Komunalec” dhe Komuna e Gostivarit. (INA)