Rriten kërkesat për shtetësinë bullgare

Ish-ministri bullgar i Diasporës dhe drejtor aktual i Muzeut Historik Kombëtar të Bullgarisë, Bozhidar Dimitrov ka theksuar se është i kënaqur me rritjen e vazhdueshme të numrit të maqedonasve që pranojnë shtetësinë bullgare. 

“Jam krenarë që me lehtësimet e procedurave për shtetësi, shumica e maqedonasve bullgarë kanë marrë shtetësinë bullgare. Kjo është një punë e mrekullueshme sepse vëllezërit tanë po pranojnë shtetësinë tonë”, theksoi Dimitrov, duke parë si shembull ish-ministrin e shëndetësisë të Maqedonisë, Vllado Dimov, i cili ka marrë shtetësinë bullgare dhe po punon në profesionin e tij në Sofje. 

Sipas tij, vetëm gjatë vitit 2010, mbi 10 mijë qytetarë nga Maqedonia të përkatësisë sllave kanë marrë shtetësinë bullgare, duke aluduar në maqedonas. Ndërsa ai thekson se gjatë vitit të kaluar kjo shifër është rritur në 18 mijë veta. “Jam i lumtur që po rris në anën tjetër edhe numrin e popullsisë bullgare, në këtë kohë të krizës demografike”, ka nënvizuar Dimitrov. (INA)