Takimi Spindelegger - Xhaferri në Vjenë

Zëvendëskryeministri i Maqedonisë Musa Xhaferri, sot në Vjenë u takua me zëvendëskryeministrinë  dhe ministrin austriak për punë të jashtme dhe për euro-integrime, Dr. Michael Spindelegger. 

Dy zëvendëskryeministrat konstatuan se marrëdhënmiet në mes dy vendeve janë të mira, në theks të vecant ato politike, duke shtuar se nevojitet intensifikimi i bashkëpunimit ekonomikë dhe këmbimit tregëtar. 

Procesi i integrimit në Bashkimin Evropian, Implementimi i Marrëveshjes së Ohrit dhe gjendja aktuale në vend dhe rajon kanë qenë temat për të cilat është biseduar në këtë takim. 

Zëvendëskryeministri Xhaferri u shpreh se mbështetja e Austrisë për integrimin e Maqedonisë dhe rajonit në Bashkimin Evropian është shumë e rëndësishme. Ai tha se në realizimin e këtij qëllimi është më se i nevojshëm zgjidhja e kontestit të emrit me Greqinë fqinje dhe në këtë drejtim ka kërkuar angazhimin më të madhë të Austrisë dhe vendeve tjera të BE-së. 

“Biseduam për gjendjen aktuale te ne që lidhet me integrimin e Maqedonisë në Bashkimin Evropian dhe padyshim njëra prej pengesave është çështja e gjetjes kompromisit me Greqinë, sepse, bllokada po krijon efekte të padëshirueshme në popullatën në përgjithësi. Unë insistova që zoti Spindeleger t’i animoj apo t’i involvoj më shumë kolegët e tij të Evropës, ministrat e jashtëm dhe të tjerë që të jenë më aktivë në Ballkanin Përendimore dhe më konkretisht në Maqedoni dhe Kosovë që janë probleme më të ndieshme dhe që shpejtë mund të dalin nga kontrolli, që të ndërmiret dicka që të mos lejohet të eskaloj situata. Padyshim, ministri i punëve të jashtme i Austrisë ishte i interesuar me ngjarjet e fundit që ndodhin te ne dhe si ato menaxhohen dhe sa mund të jenë të dëmshme për imazhin dhe për marrëdhëniet e brendshme ndëretnike”, - deklaroi pas takimit zëvendëskryeministri Xhaferri.

Xhaferri dhe Spindelegger kanë biseduar edhe për anëtarësimin e Maqedonisë në NATO dhe për Samitin që do të mbahet në Cikago.

“Ajo është një prej cështjeve që përherë bisedohet. Edhe pse Austria nuk është formalishtë anëtare e NATO-s, por ka një bashkëpunim, një partneritet kështu shumë të ngjeshur, ose trupa austriake kanë qenë dhe janë në Kosovë në shërbim të paqes, investojnë në atë drejtim, por edhe nga ajo pozita e një shteti joanëtare, ndoshta është edhe më objketiv që mund të ndërmjetësojë. Samiti i Cikagos nuk është Samit që është thirrë për anëtarësime të reja, është një Samit i rregullt, dhe vetëm pengesa ose bllokada e Greqisë pengon  Maqedoninë që të filloj me procedurat e anëtarësim formal në NATO”, theksoi zëvendëskryeministri Xhaferri.

zëvendës kryetari i Qeverisë .Musa Xhaferri në Vjenë do të marrë pjesë edhe në Konferencën e dytë vjetore të Qendrës për Dialog Global dhe Bashkëpunim (CGDC). (INA)