Shkup, Konferenca e rajonale për krimet e motivuara nga urrejtja

Këmbimi i praktikave më të mira se si më mirë të trajtohen rastet e krimit të motivuar nga urrejtja dhe gjuha e urrejtjes është qëllimi i konferencës rajonale të mbështetur nga OSBE që ka filluar sot në Shkup.

Konferenca rajonale është iniciativë e përbashkët e misioneve të OSBE-së në rajon, e organizuar nga Misioni i OSBE-së në Shkup dhe Ministria e Jashtme. Pjesëmarrësit në konferencë do të këmbejnë njohuritë lidhur me pengesat dhe sfidat në trajtimin efikas të rasteve kanë të bëjnë me krimet e motivuar nga urrejtja dhe gjuha e urrejtjes, si dhe mësimet e nxjerra, praktikat e mira dhe modelet më të mira të aplikuara në rajon.

"Krimet e motivuar nga urrejtja dhe gjuha e urrejtjes ndikojnë në bashkëjetesën e komuniteteve dhe stabilitetin social, pasi ata janë manifestime të mostolerancës që kanë ndikim të thellë jo vetëm për viktimën, por edhe për grupin me të cilin identifikohet viktima", tha ambasadori Ralf Breth, Shefi i Misionit të OSBE-së në Shkup.

"Veprat penale të kryera me motiv të njëanshëm, si dhe të gjitha format e shprehjes të cilat përhapin, nxisin, promovojnë ose justifikojnë forma të urrejtjes racore apo të tjera në bazë të mostolerancës, kundërshtojnë drejtpërdrejt vlerat e demokracive bashkëkohore dhe përbëjnë sulm ndaj bashkëjetesës paqësore. Është përgjegjësi e qeverive që të sigurojnë përgjigje adekuate në të tilla raste, ndërsa ne në OSBE jemi këtu për të mbështetur këto përpjekje. "

Zoran Petrov, zëvendës Ministri i Jashtëm i cili mori pjesë në konferencë, shtoi: "Krime të motivuara nga urrejtja dhe pasojat e gjuhës së urrejtjes kanë preokupuar gjatë kohë autoritetet kombëtare dhe bashkësinë ndërkombëtare, përfshi edhe organizatat ndërkombëtare dhe rajonale, të tilla si OSBE. Të gjitha palët janë duke bërë përpjekje të mëdha në nivel ndërkombëtar, rajonal dhe kombëtar për të përcaktuar shkaqet e kësaj dukurie negative dhe për të identifikuar mënyrat për të eliminuar atë. "

"Për të parandaluar krimet e urrejtjes dhe për t’i trajtuar ato  në mënyrë më efikase, në vitin 2009 vendi miratoi ndryshime në Kodin Penal, të cilat prezantuan rrethana tjera rënduese, nëse vepra motivohet nga urrejtja. Procesi i harmonizimit të së drejtës sonë penale në lidhje me krimin e motivuar nga urrejtja do të vazhdojë në përputhje me legjislacionin e BE-së dhe me standardet tjera ndërkombëtare. "

Konkluzionet e konferencës do të shërbejnë si parime udhëzuese për veprimet e mëtejshme që duhet të ndërmerren nga të gjithë pjesëmarrësit në përpjekjet e tyre për të trajtuar krimet e motivuar nga urrejtja dhe gjuha e urrejtjes në kontekstin e legjislacionit vendas dhe praktikës gjyqësore. (INA)