Ohër,zhvillon punimet konferenca ndërkombëtare për siguri

Në Ohër, zhvillon punimet konferenca shkencore, dy ditore ndërkombëtare, kushtuar sigurisë dhe perspektivave euroatlantike të Ballkanit.

Në hapjen solemne të kësaj konference, do të merr pjesë edhe ministri i mbrojtjes së RM-së, Fatmir Besimi dhe ministresha e punëve të brendshme Gordana Jankullovska.

Siç është bërë e ditur, në këtë konferencë e kanë konfirmuar pjesëmarrjen mbi 90 pjesëmarrës nga 7 vendet e Ballkanit, që janë pjesë e institucioneve të larta nga Europa juglindore. 

Ky tubim ndërkombëtar, zhvillohet në organizim të Fakultetit të sigurisë në kuadër të Universitetit të Shkupit, në bashkëpunim me Fakultetin për stidime sigurie në Lublanë; Akademinë e policisë  nga Bukureshti-Rumani, Akademia policoro-kriminalistike në Beograd, Shkolla e lartë e policisë së Ministrisë së punëve të brëndshme të Kroacisë, Akademia e MPB-së nga Bullgaria dhe Shkolla e lartë për punë të brëndshme të Bosnjë e Hercegovinës-Republika serbe. 

Pjesëmarrësit në këtë konferencë do të debatojnë për integrimet euroatlantike dhe perspektivat e Ballkanit, menaxhimi me rreziqet dhe krizat si sfide e sigurisë; arsimimi e pregatitja profesionale e policisë dhe profesioneve tjera të sigurisë; shkenca për sigurinë, problemet shkencore, metodologjike, epistemike, kriminologjike, policore dhe kriminalistike si dhe shumë tema tjera nga fusha e sigurisë. (INA)