Konferenca e 5 -të Ndërkombëtare për Mjedisin Jetësor – Balwois 2012

Ministri i Mjedisit Jetësor dhe Planifkimit Hapësinor, Аbdilaqim Ademi hapi sot në Ohër Konferencën e Pestë Ndërkombëtare për Ujrat, Klimën dhe Mjedisin Jetësor– Balwois 2012, nën organizimin e Institutit Ballkanik për Ujra dhe Mjedis Jetësor të Francës, Fakultetit të Ndërtimtarisë pranë Universitetit Shën Kirili dhe Metodi nga Shkupi dhe Shoqata Meterologjike e RM-së. 

Ndjej kënaqësi në hapjen e kësaj konference dhe mund të them se Qeveria e Maqedonisë i përcjell nga afër kërkesat e familjes Europiane në sferën e menaxhimit të resurseve ujore dhe me zell i zbaton kërkesat e Direktivave Europiane. Transponimi dhe implementimi i të drejtës europiane për ujra, e parasëgjithash  kërkesat e Direktivës Korrnizë për ujrat si dhe Direktivave të tjera është proces i cili zbatohet dhe i cili njëkohësisht është sfidë për ne", theksoi ministri Ademi. 

Sipas tij, tre dokumentet bazë për planifikimin dhe zhvillimin e menaxhimit të ujrave në Maqedonisë: Strategjia Nacionale për Ujra, Baza e Ekonomizimit të Ujrave dhe Planet për Menaxhimin e pellgjeve të lumenjve, përcaktojnë politikën me të cilën sigurohet: shfrytëzimi racional dhe ekonomik i ujrave, si dhe mbrojtja dhe zbutja e pasojave nga ndikimi i dëmshëm i ujrave dhe mungesa e ujit, përmbajnë zgjidhje  teknike dhe ekonomike për shfrytëzimin racional të ujrave, për mbrojtjen e ujrave nga ndotja dhe për mbrojtjen nga ndikimet e dëmshme të ujrave në bazë të parimeve të zhvillimit të qëndrueshëm. (INA)