Shkup, cilat rrugë marrin emrat shqip

Shkupi brenda këtij muaji do të fillojë emërtimet e reja të rrugëve, duke mbajtur emra shqiptarë. INA ka siguruar një pjesë të emrave të rrugëve që do të pësojnë ndryshime.

Me këto ndryshime të rrugëve një pjesë e madhe e rrugëve të deritanishme me emra komunistë dhe të së kaluarës do të mbajnë emra të personaliteteve dhe ngjarjeve historike shqiptare. 

Agjencia e lajmeve INA ka siguruar një pjesë të emrave të rrugëve që do të pësojnë ndryshime. 

Rruga “Roman Kaskalçeviç do të jetë “Marrëveshja e Ohrit; rruga “ Virgino” do të jetë Fan Noli; rruga “Drvarska” do të jetë “Azem Hajdari”; rruga “Rifat Burçeviq” do të emërtohet “Ismail Kadare”; rruga “Sevastopolska” do të emërtohet “Kumbara”; rruga “Vodnjanska” do të emërtohet “Nëna Terezë”, etj. 

Burime pranë partisë shqiptare BDI theksuan për INA se gjatë javës së ardhshme këto rrugë mund të marrin dritën jeshile dhe të nis emërtimi i tyre në praktikë. 

Në kuadër të ndryshimit të emrave të rrugëve, shesheve dhe bulevardeve dhe objekteve tjera në Shkup janë paraparë proporcionalisht edhe emra shqiptarë. (INA)