Ambasadori Çejku ligjëratë Librarinë e Çarshisë

Në ambientet e Librarisë së Çarshisë e në kuadër të Shkollës për lidership të Shkupit mbajti një ligjëratë të hapur shkëlqesia e tij ambasadori I Republikës së Shqipërisë në Shkup, Arben Çejku.

Ambasadori Arben Çejku u ndal duke sqaruar tiparet e një lideri modern dhe të përgjegjshëm. Ligjërata e tij u shoqërua me një vizion të qartë se nga duhet të lëvizin të rinjtë tanë dhe të jenë model për rajonin dhe vendin.  Ambasadori Çejku theksoi se studentët janë zëri i demokracisë dhe pa zërin e tyre demokracia nuk është funksionale për ardhm ërinë e vendit. 

Ligjerata e ambasadorit Arben Cejku u shoqërua me shumë pyetje nga ana e studentëve të cilët ndjekin shkollën për lidership të Shkupit dhe interesimet e tyre kishin të bëjnë me problematika të lidershipit, çka duhet të bëjnë të rinjtë shqiptar për të qenë më të suksesshëm, raportet Maqedoni-Shqipëri, implementimin e Marrëveshjes së Ohrit, shkollimin, kulturën, etj. 

Përndryshe Shkolla për lidership e Shkupit është mbështetur nga Komuna e Çairit dhe atë e ndjekin 30 studentë të Universiteteve të ndryshme nga Maqedonia ndërsa kanë ligjëruar personalitete të rëndësishme nga jeta shoqërore e politike nga vendi e rajoni. (INA)