Fluksi i mërgimtarëve, radhë të gjata në kufi

Në pikën më të frekuentuar kufitare Tabanoc mes Serbisë dhe Maqedonisë prej dje janë regjistruar radhë të gjata të makinave, që janë shkaktuar nga autoritetet kufitare maqedonase, informon Ina.

Kthimi i mërgimtarëve për pushime në vendlindje fluksi i turistëve  të huaj që shkojnë për pushime në bregdetin grek dhe turk kanë shkaktuar pritjet e gjata dhe tollovitë e krijuar në këtë pikë kufitare.

Mërgimtarët shqiptarë theksojnë se janë të irituar dhe reagojnë nga neglizhenca e autoriteteve kufitare të Maqedonisë, të cilët me ngadalësi vijojnë punën e tyre, duke shkaktuar grumbullimin dhe radhët e gjata të makinave.

"Nuk kuptojmë pse aq pritje të gjata dhe gjithë këto radhë. Ata stërzgjatin procedurat Jemi të habitur se sa gjatë na mbajnë këtu dhe palidhje kontrollojnë dokumente, dhe kjo dikon që të shkaktohen radhët e gjata. Në rast se ky vend pretendon BE-në, atëherë nuk e di se a dijnë se çfarë praktika efektive duhet zbatuar", thekson një mërgimtar nga Tetova. 

Turistët e huaj i shmangen me dozë dyshimi përgjigjeve rreth radhëve të gjata, duke theksuar se nuk dijnë përse ndodhë kjo dhe për këtë duhet pyetur autoritetet doganore. 

Radhët e gjata po shkaktohen edhe nga turqit që udhëtojnë nga vendet evroperëndimore për pushime në vendin e tyre. Turqit shfrytëzojnë Korridorin 10 si destinacion më i afërt në Turqi, përmes territorit grek. 

Gjithashtu edhe policët serb fajësojnë autoritetet maqedonase se ato po krijojnë radhët e gjata. "Po sigurisht se ata po vonojnë shumë me punën dhe verifikimet,që ndoshta janë të panevojshme", theksoi një polic shqiptar nga Presheva, në pikën kufitare Tabanoc.

Nga ana tjetër, në njoftimin zyrtar të Auto Moto Lidhjes së Maqedonisë theksohet se nuk ka pritje të gjata në pikat kufitare të Maqedonisë. (INA)