SHBA krenare për partneritetin me Maqedoninë

Ambasada amerikane në Shkup mbrëmë përmes një ceremonie festive ka shënuar 236 vjetorin e pavarësisë. 

Në ceremoninë e organizuar nga ambasadori Pol Volers kanë marrë pjesë zyrtarët më të lartë shtetëror të Maqedonisë, përfaqësuesit e spektrit politik dhe personalitete tjera të jetës fetare, kulturore, publike, etj. 

Ambasadori amerikan Volers në fjalimin e tij ka theksuar se miqësia mes SHBA-së dhe Republikës së Maqedonisë nuk është sipërfaqësore. 

"Ne jemi krenarë për partneritetin tonë me Maqedoninë që nga pavarësia juaj dhe ne presim të shohim se çfarë do të arrini kur do të keni vendin që ju takon në tryezën si një anëtar i barabartë i komunitetit Euro-Atlantik“, ka theksuar Volers.

"Shtetet e Bashkuara gjithmonë do të jenë me ju.. Miqësia jonë nuk është sipërfaqësore. Ne jemi krenarë për partneritetin tonë me Maqedoninë që nga pavarësia e tuaj. Unë jam i etur për të parë këtë vend të ketë sukses dhe të jetë më i fuqishëm përmes diversitetit si dhe si një demokraci e sigurtë dhe e begatë -  akoma një eksperiment më i madh“, ka porositur ambasadori amerikan, duke sjellë mesazhet dhe urimet e presidentit Barack Obama dhe sekretares amerikane Hillary Klinton. (INA)