Moti sot me temperaturë 37 gradë celsius, nesër edhe më lartë

Moti sot në Maqedoni do të jetë me diell dhe tejet i nxehtë, ndërsa pasdite në pjesën lindore të vendit priten reshje shiu. Gjithashtu në disa zona do të fryj erë nga veriperëndimi.

Temperatura do të jetë prej 30 deri në 37 gradë celsius, ndërsa edhe në Shkup dhe rrethinë temperaturat do të shkojnë deri 37 gradë celsius. Shkalla e indeksit UV do të mbërrijë deri në shkallën 8.

Prej nesër pritet ngritja e temperaturave për shkak të një mase të ngrohtë ajrore nga Afrika Veriore. Temperaturat nga fillimi i javës së ardhshme do të jenë mbi 35 grad celsius, ndërsa në disa vende do të mbërrijë deri në 40 gradë celsius.

Organet përgjegjëse mjekësore apelojnë tek qytetarët që të mos ekspozohen në diell dhe të konsumojnë sa më shumë lëngje. (INA)