Qendër tregtare evropiane në Strugë

Biznesi familjar i vëllezërve Kamber dhe Nasuf Bizati nga Ladorishti i Strugës, dita ditës po dëshmon se suksesi nuk mungon nëse me përkushtim, korrektësi, saktësi dhe precizitet  e kooperativitet e ushtron biznesin.
Ata me firmën e tyre “Nabizi”, kanë ndërtuar një objekt afarist në pjesën industriale të Strugës, në rrugën Strugë-Qafë Thanë, që kapë një sipërfaqe prej 10 mijë metra katror ambiente afariste.
Kjo hapësirë afariste është e ndarë në dy komplekse; kompleksi i materialeve ndërtimore dhe kompleksi tjetër me mbi 3.500 metra katror ambiente shitëse të mjeteve të ndryshme teknike, etj.
Siç pohuan nga firma “Nabizi”, për këtë kompleks modern tregtar, që ka zgjatë më shumë se një vjet e gjysmë, janë investuar mbi 2.5 milion euro, mjete investuese të siguruara nga vetë anëtarët e familjes.
Vëllezërit Kamber dhe Nasuf Bizati, për të përmbushë kërkesat e klientëve të tyre, blerësve, që tashmë kanë krijuar një traditë bashkëpunimi me firmën “Nabizi”, do të punësojë një numër të konsideruar të punëtorëve, që sado pak do të zvogëlojë papunësinë në komunën e Strugës.

Ata theksojnë se në treg ofrojmë cilësi, garanci, shumëllojshmëri dhe ajo që është për tu theksuar, edhe çmime më të ulëta, që janë të përballueshme për të gjitha shtresat e shoqërisë-blerësve. (M.Latifi/INA)