Maqedoni, i nxehti afrikan me 40 gradë celsius

Në Maqedoni sot do të jetë dita më e nxehtë e këtij viti me temperatura të larta që do të shkojnë deri në 40 gradë celsius.

Moti i nxehtë pasoi nga orët e para të mëngjesit duke arritur një temperaturë deri në 25 gradë. Shkalla e indeksit UV do të jetë në nivelin 9. Në Shkup temperatura e mëngjesit u regjistrua 20 gradë, ndërsa ajo e ditës do të shkojë deri në 37 gradë celsius.

Nga fillimi i javës tjetër do të vijoj i nxehti saharian në Maqedoni, por edhe në pjesën më të madhe të Evropës Juglindore, me temperatura që do të mbërrijnë në 42 gradë celsius.

Institucionet përgjegjëse në Shkup kanë ndezur alarmin e rrezikut nga temperaturat e larta. Ato kanë apeluar që qytetarët të marrin masat e mbrojtjes nga mbrojtja nga vala e të nxehtit afrikan. Qytetarët rekomandohen që ti shmangen ambienteve të hapura dhe ekspozimit në diell nga ora 11.00 deri në ora 17.00 e ditës. Gjithashtu kërkohet për konsumim të lëngjeve, veshjeve të holla dhe ngrënie të pemëve dhe perimeve. (INA)