Struga në faqet e kronikave të zeza

Edhe një ngjarje e padëshiruar në Strugë, gjatë korrikut të sivjetmë. Djaloshi 18 vjeçar nga Shkupi, ka pësuar lëndime të rënda trupore, gjatë kërcimeve nga ura e lumit Dri.

Ngjarja ka ndodhur në orët e pasdites së djeshme, kur shkupjani, identiteti i të cilit nuk bëhet i ditur, ka marrë lëndime të rënda trupore, frakturë në qafe dhe dëmtim të rëndë të bushtit kurrizor, pas kërcimit nga ura në lumin Dri. Ai duke kërcyer në lum, ka goditur me kokë fundin e shtratit të lumit dhe menjëherë është dërguar në Institutin për traumatologji dhe ortopedi “Shën Erazmo” në Ohër, ku i është dhënë ndihma e parë. Mirëpo për shkak të seriozitetit të lëndimeve, ai është transportuar urgjentisht në Klinikat e Shkupit, për trajtim të mëtejmë.

Ky rast është mund të thuhet rasti i radhës që kanë ndodhur ditëve të fundit të kësaj jave në Strugë, që po e mban Strugën në faqet e kronikave të zeza nëpër mediume, pas disa incidenteve me skuterë dhe dy rasteve të vdekjes-një i mbytur në ujë dhe tjetri i vrarë. (INA)