advertisement
Fillimi | Maqedoni | USHT e nderoi jetën dhe veprën e themeluesit dhe Rektorit të parë, Fadil Sulejmani
  • email Email shokëve
  • print Printo
  • Plain text Vetem tekst

USHT e nderoi jetën dhe veprën e themeluesit dhe Rektorit të parë, Fadil Sulejmani

USHT e nderoi jetën dhe veprën e themeluesit dhe Rektorit të parë, Fadil Sulejmani

Universiteti Shtetëror i Tetovës (USHT) sot mbajti mbledhjen komemorative në nderim të jetës dhe veprës së themeluesit dhe rektorit të parë të Universitetit të Tetovës, prof.dr. Fadil Sulejmani. Në këtë akademi përkujtimore morën pjesë familjarë, stafi udhëheqës i Universitetit, profesorë, studentë  dhe miq të themeluesit të Universitetit, nga të gjitha trevat shqiptare.
Rektori i USHT-së, Prof.dr.Vullnet Ameti, para pjesëmarrësve, në amfiteatrin e stërmbushur në objektin e ri të USHT-së, deklaroi se institucioni ynë, por edhe mbarë populli shqiptar ka humbur një profesor të devotshëm dhe pishtar të arsimit sipëror në gjuhën shqipe në Maqedoni.

“Lajmi i kobshëm për ndarjen e papritur nga jeta e profesorit tonë, themeluesit dhe Rektorit të parë të Universitetit tonë, Prof. dr. Fadil Sulejmanit na tronditi thellë të gjithëve. E kam shumë të vështirë të pajtohem me faktin se po mbaj fjalë mortore për një kolos të arsimit në gjuhën amtare, kolegun që deri dje ishte përkrah nesh, dhe e kam të pamundur ta bind veten dhe juve, se më nuk është në mesin tonë, njëri nga njerëzit më meritorë për Universitetin tonë dhe për arsimin sipëror në gjuhën shqipe në Republikën e Maqedonisë dhe më gjerë, profesor Fadil Sulejmani”, theksoi rektori Ahmeti.


Sipas rektorit Ahmeti, vepra e profesor Fadil Sulejmanit do të jetojë gjatë, ndërkaq puna dhe veprat e tij do të na shërbejnë si frymëzim në rrugëtimin tonë të ardhshëm, neve dhe gjeneratave që vinë pas nesh.

“Ti dhe shpirt me fjalën UNIVERSITET, prandaj unë sot nga foltorja e Universitetit tënd, që sot është krenaria e arsimit shqip, ta jap besën e shqiptarit, se lapsi dhe fletorja, që Ti i mbaje ditën e fillimit të ligjëratave të para përpara kordonit policor, do të mbesin të gravuara për jetë e mot në mendjet dhe zemrat tona. Ti vërtet ike papritur nga mesi ynë, Profesor, por prehu i qetë, se UNIVERSITETI kurrë nuk do të devijojë nga rruga që e trasove Ti me aq mundim. Ne denjësisht do ta çojmë në vend amanetin Tënd dhe do të flijohemi për të, ashtu siç u flijove dhe Ti”, theksoi rektori Vullnet Ahmeti.
 
Në emër të familjes së themeluesit të UT-së, Prof. dr. Fadil Sulejmanit, të pranishmëve iu drejtua e bija e tij, Ardiana Sulejmani.
Ajo me këtë rast pasi falënderoi të pranishmit në emër të familjes për nderin dhe respektin që tregojnë për prindin e tyre, tha se prindi i tyre, nuk kurseu as kohën e as shëndetin për ngritjen dhe zhvillimin e UT.-së. “Mbi të gjitha asnjëherë nuk u pajtua që ta sheh popullin e vet në gjendje të prapambetur, të nënshtruar dhe inferior. Në këtë frymë rilindëse e iluministe na edukoi edhe neve fëmijët të tij. Ai, për ne ishte dhe mbetet piedestal dhe model i  prindit, edukatorit dhe intelektualit. Profesor doktor Fadil Sulejmani është dhe do të mbetet në përjetësi Korifeu i  kombit shqiptar, njeri që q shumë sakrifikoi për diturinë e atdhetarëve, rilindësi modern i shqiptarëve të Maqedonisë, pishtar i pashuar shqiptar dhe hero i arsimit shqip”, tha në mes tjerash Ardiana Sulejmani e bija e themeluesit dhe Rektorit të parë të Universitetit të Tetovës, Prof. dr. Fadil Sulejmani.

Gjatë ditës së hënë (11.02.2013), me rastin e vdekjes së Prof. Dr. Fadil Sulejmanit, themelues dhe Rektor i parë i Universitetit tonë, në ambientet e Qendrës kulturore të Tetovës, u organizuan homazhe, në të cilën morën pjesë një numër i madh i dashamirëve dhe respektuesve të jetës dhe veprës së profesor Fadilit. Me këtë rast, Rektori i USHT-së, Prof. Dr. Vullnet Ameti, theksoi: “Sot Universiteti Shtetëror i Tetovës dhe të gjithë shqiptaria kanë ditë zie, USHT-ja dhe gjithë shqiptarët kanë humbur një personalitet të madh, kanë humbur promotorin, ideatorin dhe themeluesin e Universitetit të Tetovës”, tha rektori i USHT-së, Prof.dr. Vullnet Ahmeti.

Ndërkohë ish Rektori, Prof. dr. Nexhbedin Beadini, theksoi se USHT-ja dhe gjithë shqiptarët kanë rast pikëllimi për humbjen e themeluesit dhe ideatorit të Universitetit të Tetovës, profesor Fadil Sulejmanit. Fadil Sulejmani ka kontribuar në kauzën kombëtare në drejtim të arsimit të lartë shqiptar. Kauza që i priu profesor Sulejmani, do të respektohet gjithmonë. Edhe pse ne pra kemi humbur një ndër themeluesit e Universitetit të Tetovës, ai dhe figura e tij do të mbetet lartë gjatë gjithë kohës. Vepra dhe ideja e tij do të vazhdojë dhe ai do të mbetet i gjallë”, tha ish rektori Nexhbedin Beadini.
Biznesmeni dhe filantropi i mirënjohur shqiptar, Lazim Destani, njëherit edhe bashkëvendës i profesor Fadil Sulejmanit, u shpreh se sot kemi një ditë pikëllimi.

“Fizikisht u nda nga ne profesori Fadil Sulejmani. Ne nga Bozofca i kemi thënë La Fadil, jemi rritu dhe kemi jetuar bashkë edhe në kohën e fëmijërisë dhe e dimë gjithë se trimëria e tij që nisi rrugën i arriti qëllimet e veta. Na ka lënë shumë amanete, besojë se ne të tjerët do ta vazhdojmë rrugën e tij”, kështu është shprehur gjatë homazheve, biznesmeni Lazim Destani.
Varrimi i themeluesit dhe Rektorit të parë të UT-së, Prof. dr. Fadil Sulejmani, në praninë e një numri të madh të qytetarëve u bë në varrezat myslimane në Tetovë.

Me këtë rast, i fundit nga ish rektorit Fadil Sulejmani, u nda Shefi i Katedrës së Gjuhës dhe Letërsisë Shqipe, Doc. dr. Fatmir Sulejmani. Ai me këtë rast u shpreh: “Lajmi për ikjen Tuaj në botën e amshueshme e goditi dhimbshëm popullin shqiptar - studentet, mësimdhënësit dhe stafin udhëheqës të Universitetit, sepse humbëm intelektualin e guximshëm, profesorin dhe studiuesin e shquar, pishtarin shembullor te arsimit – rilindësin e fundit, themeluesin dhe rektorin e parë te Universitetit Shqip të Tetovës.

Me rastin e vdekjes së prof. dr. Fadil Sulejmanit, USHT-së dhe familjes Sulejmani u kanë arritur telegrame ngushëllimi nga të gjitha trevat shqiptare, si nga Kryeministri i Republikës së Kosovës, Hashim Thaçi, kryetari i BDI-së, Ali Ahmeti, krerët e partive politike shqiptare në Maqedoni, si dhe institucione dhe personalitete të ndryshme.



 
Jetëshkrimi i rektorit Fadil Sulejmani

Fadil Sulejmani u lind më 5.12.1940 në katundin Bozovcë të Malësisë së Sharrit të Tetovës. Arsimin fillor e kreu në vendlindje dhe në qytetin e Tetovës, kurse Shkollën e Lartë Pedagogjike në Prizren dhe Fakultetin Filozofik, dega gjuhë-letërsi shqipe e kreu në Prishtinë. Studimet pasdiplomike për magjistraturë i kreu në Beograd dhe doktori në Prishtinë për shkencat filologjike.
Ka punuar fillimisht si arsimtar i gjuhës dhe letërsisë shqipe në katundin Obiliq afër Prishtinës dhe 2 vjet si profesor i gjuhës latine në Gjimnazin e Mitrovicës. Në vitin 1971 filloi si pedagog i rregullt në degën Gjuhë dhe Letërsi Shqipe të Fakultetit Filozofik të Universitetit të  Prishtinës, ku punoi deri në vitin 1994. Në vitin 1994-95 u avancua në cilësinë e profesorit ordinar për shkenca filologjike po në këtë universitet. Formimi i tij akademik do të vijojë me 2 vjet specializim në Gjermani, si bursist i Fondacionit ,,Aleksandër Humbold”, në Bon dhe 1 vit në Itali, gjë që i ka mundësuar edhe njohjen e gjuhëve përkatëse, të cilat do t’i shfrytëzojë edhe më vonë në hulumtimet e tij.
Në vitin 1990, me fillimin e proceseve demokratike, u kthye nga Prishtina në Tetovë, në vendin e tij të lindjes, dhe u angazhua në aksionin e madh popullor për Pajtimin e gjaqeve.
Në vitin 1990 emërohet Kryetar i Bashkësisë Kulturore Shqiptare në Maqedoni, me seli në Tetovë, e cila ka luajtur një rol të rëndësishëm për hulumtimin dhe kultivimin e kulturës shqiptare në Maqedoni.
Në vitin 1991, bashkë me studiues të tjerë dhe me përkrahjen e disa asociacioneve shqiptare në Republikën e Maqedonisë, organizoi simpoziumin shkencor me karakter kombëtar ,,Shqiptarët e Maqedonisë”, kushtuar çështjes së shqiptarëve në Maqedoni.
Në 1994, bashkë me intelektualë të tjerë, e themeloi Universitetin e Tetovës dhe e drejton atë deri në vitin 2003, periudhë kur fillon edhe zyrtarizimi i tij.
Profesor Fadil Sulejmani është nderuar me disa çmime nga Universiteti Shtetëror i Tetovës, me të cilat ky institucion e ka ngritur në panteon themeluesin e vet: krahas titullit “Rektor Nderi i Universitetit të Tetovës”, akorduar nga Senati i këtij Universiteti, më 25 nëntor 2002, që u pasua edhe me çmimin “Nderi i Universitetit të Tetovës”, më 17 dhjetor 2002. Në 18 vjetorin e themelimit, më 17 dhjetor 2012, Universiteti Shtetëror i Tetovës, themeluesit dhe Rektorit të Parë, Prof. dr. Fadil Sulejmanit i ndau titullin: Doktor nderi i shkencave (Doctor Honoris Causa) i Universitetit Shtetëror të Tetovës.
Profesor Fadil Sulejmani është autor i mbi 10 librave dhe mbi 200 artikujve të publikuar në revista shkencore e periodikë. Ndër librat mund të citojmë, si: ,,E mbsuame e krishterë e Lekë Matrëngës”,  një monografi për jetën dhe veprën e këtij autori arbëresh, 1979; ,,Praktikumi i Gjuhës së Sotme Shqipe”, më 1981, 1984; ,,Lindja, martesa dhe vdekja në Malësitë e Tetovës”, monografi për ritet familjare në këtë trevë; ,,Njohuri për Gjermaninë dhe popullin e saj”, 1995; ,,Fonetika e gjuhës gjermane”, 1995; ,,Morfologjia e gjuhës gjermane”, 1995; ,,Hapi historik i universitetit tonë”, 1994. Profesor Fadili ishte i palodhur, për të nuk kishte moshë as lodhje. Ai ka lënë gati për shtyp disa libra, si: ,,E Folmja e Malësisë së Sharrit”; ,,Toponimia e tri malësive të Tetovës”; ,,Lojërat popullore në Malësitë e Tetovës”; ,,Sintaksa e gjuhës gjermane” etj.
Profesor Fadil Sulejmani ka dhënë kontribut të rëndësishëm në fushën e fonetikës dhe të drejtshkrimit, në fushën e gramatikës dhe të leksikologjisë, në fushën e dialektologjisë dhe të etnologjisë. Janë me qindra artikuj të publikuar ku trajtoi të tilla çështje, që mund të lexohen në biografinë e tij të gjerë.
Në fushën e dialektologjisë dhe të leksikologjisë mund të përmendim artikuj si: dukuritë fonetike në të folmen e Malësisë së Sharrit; Terminologjia bimore e shtazore në të folmen e Malësisë së Sharrit të Tetovës; Leksiku blegtoral nga e folmja e Malësisë së Sharrit të Tetovës; Diftongjet dhe togjet zanore në Malësinë e Sharrit të Tetovës; Vokalizmi në të folmen e Malësisë së Sharrit të Tetovës; Fjalë të bukura nga Malësia e Sharrit të Tetovës; Fjalë popullore nga Malësia e Sharrit të Tetovës, etj.
Në fushën e etnografisë ka botuar shkrime me interes të madh, si: Disa të dhëna rreth lindjes në Malësinë e Sharrit të Tetovës; Besëtytnitë për vdekjen në Malësinë e Tetovës; Veçoritë fizike-gjeografike e sociale të Malësisë së Sharrit të Tetovës; Lojërat popullore të dasmave në anën e Tetovës, etj. (INA)

Vlerëso tekstin
3.00

Subscribe to comments feed Komente (2 publikuar):

profi i deshpruar në 12/02/2013 23:50:23
avatar
patriot eshte ky qe e hapi usht,por si funksionon shume ma patriot do te jete ai qe do ta mbyll kete vater matrapazash
Thumbs Up Thumbs Down
-1
Adem në 28/02/2013 09:41:41
avatar
cfare kuptoni ju me fjalen "patriotizem" qe po e perdorni kete term me "patriot eshte ky qe e hapi usht, ..."?
Ne usht-en jane te domosdishme ndryshimet qe duhet te behen, keshtu qe te studiohet dhe studimi ti sherbeje ngritjes ne shkollime por ama jo te mbyllet usht-ja. Me vazhdimin e fjalise tuaj :
"shume ma patriot do te jete ai qe do ta mbyll kete vater matrapazash ".
Ndoshta mund te keni te drejte, nese mendoni se duhet te permiresohen rrethanat per studim, keshtu qe secili absolvent te marre ate titull qe e meriton me pune. Por jo te mbyllet usht-ja." Mbyllja" eshte injorance ndaj shkollimit. Nje gje e till esht nje varferi e madhe edhe per ju, "prof i deshperuar", Nese ju qenkeni i deshperuar, duhet te shprehni konkretisht pakenaqesine tuaj dhe te shtroni argumentete per permiresim por jo per fshirje. A keni dal ndoj here jashte Tetoves, mendoj ne univerzitete tjere ne bote?
Edhe nje here, cfare kuptoni ju me termin patriotizem, zoti Prof i deshperuar?
Thumbs Up Thumbs Down
4
total: 2 | Treguar: 1 - 2

Publikoni komentin tuaj comment

Ju lutem shënoni kodin që shikoni në imazh:

Tjera nga Maqedoni
Previous
image
Nga viti i ardhshëm shtrenjtimi i cigareve për 3 denarë
Nga viti i ardhshëm sërish do të ketë shtrenjtim të cigareve në Maqedoni. Sipas vendimit qeveritar për rritjen graduale të çmimit të cigareve, nga korriku ...
image
Delegacioni i deputetëve shqiptarë takime në Shkup
Një grup deputetësh kryesisht nga Partia Socialiste po qëndrojnë për vizitë në Shkup, ku kanë zhvilluar takime me përfaqësues të lartë shqiptarë në institucionet e ...
image
Nënkryetari i BDI-së Duraku i pakënaqur nga punësimet e SIOFA, akuza ndaj Xhaferrit
Kryetari i komunës së Likovës, Sadulla Duraku, i cili njëherit është edhe nënkryetar i BDI-së, përmes një komunikate zyrtare, ka sulmuar ashpër zëvendëskryeministrin Musa Xhaferi, ...
image
RDK thirrje diasporës për mobilizim për gjenden e shqiptarëve në Maqedoni
Rilindja Demokratike Kombëtare (RDK) fton në mobilizimin e diasporës shqiptare. Me anë të një deklarate me shkrim, RDK thotë se diaspora shqiptare është ...
image
Maqedoni, caktohet seanca për marrjen e mandateve të deputetëve të opozitës
Kryeparlamentari i Maqedonisë, Trajko Veljanovski për të premten ka caktuar seancën për marrjen e mandateve të deputetëve të opozitës. ...
image
Protesta e honoraristëve, Qeveria do të rris varfërinë
Qindra qytetarë sot dolën në protesta në Shkup kundër aplikimit të pagesës së obliguar të kontributeve për honoraret. ...
image
Kryeministri turk Davutoglu sot në Shkup
Kryeministri i Republikës së Turqisë Ahmet Davutoglu sot do të arrij për një vizitë dyditore në Maqedoni.Në një njoftim të Qeverisë së Turqisë thuhet ...
image
1000 mjekë nga Maqedonia do të trajnohen në spitalet e huaja
Gjatë vitit të ardhshëm rreth 1000 mjekë dhe personel tjetër mjekësor nga Maqedonia do të dërgohen për trajnim në spitale të njohura jashtë vendit. 800 ...
image
Linjë interkonjeksioni 400 kV Maqedoni – Serbi
Në Maqedoni së shpejti do të nis ndërtimi i i linjës interkonektive të tensionit të lartë 400kV me Serbinë. Ndërtimi i saj u paralajmërua nga Operatori ...
image
Polici tetovar plaçkit mërgimtarët
Policia në vend se të garantojë siguri, bëhet pjesë e krimit. Kështu 37 vjeçari T.Xh nga Tetova, pjesëtarë i policisë së Tetovës ka ...
image
Vritet edhe një shqiptar nga Shkupi në Siri
Një tjetër shqiptar nga Shkupi është vrarë në Siri. Lajmi i bërë publik nga “TetovaSot” informon se bëhet fjalë për 23-vjeçarin me inicialet ...
image
67 vjeçarja pa shtetësi, e rrezikshme për Maqedoninë
Lokja 67-vjeçare, Bejnaze Ahmeti edhe pse jeton në Maqedoni me vite të tëra, akoma nuk e ka marrë shtetësinë e Maqedonisë. Një nga arsyetimet më interesante ...
image
Pranohen 50 inspektorë policie, vetëm 2 shqiptarë
Ministria e Brendshme ka pranuar 50 inspektorë policie, prej të cilëve vetëm 2 janë shqiptarë. Kjo përbërje nënkupton se shqiptarët nuk i kalojnë ...
image
Shqiponja dykrenare në vend të mbishkrimit "Makedonija" në Poroj
Në sallën sportive në Poroj të Tetovës është shlyer mbishkrimi “Makedonija” dhe në vend të saj qëndron flamuri kombëtar me shqiponjën dykrenare. Projekti i sallës ishte ...
image
Kryetari i ASHASH, prof. dr. Skender Kodra ligjeratë në USHT dhe pritje nga komuna e Tetovës
Kryetari i Akademisë Shqiptare-Amerikane të Shkencave, Prof. dr. Skender Kodra, qëndroi për vizitë pune në Universitetit Shtetëror të Tetovës. Prof. dr. Skender Kodra realizoi një takim ...
Next