Një lider partie shqiptare dhe një kandidat maqedonas rezultojnë si spiunë

Dy kandidatë për deputet zyrtarisht kanë rezultuar si bashkëpunëtor të shërbimeve sekrete, njëri si pjesë e koalicionit opozitar me LSDM dhe tjetëri është kandidat shqiptarë lider i një partie.

Për nëntë kandidatët e tjerë që gjithashtu ishin të dyshuar u konfirmua se ata vetëm se ishin ndjekur nga shërbimet. Por në mesin e tyre, njëri nga kandidatët do të verifikohet pas zgjedhjeve. Dy kandidatët për deputet që përfundimisht rezultuan si bashkëpunëtor nuk mund të verifikojnë mandatet e tyre në rast se zgjidhen për deputet. (INA)

10:15 - Komisioni për lustrimin sot pritet të deklarohet lidhur me vendimin se cilët nga kandidatët për deputetë kanë qenë bashkëpunëtor të shërbimeve sekrete. 

Jozyrtarisht bëhet fjalë për 11 kandidatë, për të cilët ka vazhduar procesi i verifikimit dhe se për një pjesë të tyre akoma nuk është përmbyllur. Komisioni i Lustrimit pritet të vendos se a do të bëjë shpalljen e emrave të tyre apo këtë do ta bëjë vetëm për dy kandidatë, për të cilët është konfirmuar zyrtarisht se kanë qenë bashkëpunëtor të shërbimeve sekrete. Siç mëson agjencia e lajmeve INA, njëri nga kandidatët e vërtetuar i takon një partie shqiptare opozitare, ndërsa kandidati tjetër nga një parti më e vogël maqedonase e opozitës që është pjesë e koalicionit opozitar. 

Emrat e kandidatëve për deputet se kanë qenë bashkëpunëtorë u gjetën në arkivat e Arkivit të Maqedonisë dhe pranë Drejtorisë së Sigurimit Shtetëror. 

Deri tani nga procesi i lustrimit në Maqedoni vetëm tre zyrtarë të lartë kanë rezultuar si bashkëpunëtor të shërbimeve sekrete: ish-kryetari i Gjykatës Kushtetuese, Trendafil Ivanovski, lideri i partisë Lidhja e Forcave të Majta të Titos Slobodan Ugrinovski si dhe një ish-gjykatës në Gjykatën Supreme, emri i të cilit nuk u zbulua. (INA)