advertisement
Fillimi | Opinione | Principatat Shqiptare aktuale! - Alisetar Ramadani
  • email Email shokëve
  • print Printo
  • Plain text Vetem tekst

Principatat Shqiptare aktuale! - Alisetar Ramadani

Principatat Shqiptare aktuale!  -  Alisetar Ramadani

Nëse bazohemi në shkencat politike për të cilën me siguri shumë politikanë lavdërohen se i kanë kryer, do të shohim se këto "shkenca" njeriun e paskan bërë instrument për të luftuar me gjithkënd me çdo kusht dhe me çdo mjet për të qenë "i pari"!!

Koha më ska kohë thotë Rona Nishliu në këngë ne saj! 

E vërtetë, koha ka tretur ndokund e vetmuar e skandalizuar nga njerëzimi! Ka ikur të pushon diku larg nga injoranca njerëzore, nga papërgjegjshmëria e atyre të cilët mendojnë se në ato ka mbetur një çik morali, në fakt, mendojnë gabim! Kur e themi këtë, bazohemi në punët që i shohim, këto punë gjatë gjithë historisë kishin qenë që të luftohet, të vriten njerëz, të zhduken popuj, të shkruhen histori tmerri! Dhe bota gjithnjë e më tepër është në rrezik! Këtë e thonë ato që mendojnë se kanë një çik moral në vete, por asnjëherë nuk e thanë (së paku unë nuk kam dëgjuar) pse bota është në rrezik! 

Mbase kjo temë ka të bën me politikën dhe ngjarjeve rreth saj ku personazh kryesor i kemi shqiptarët, nuk do të thellohemi më tepër në atë se pse bota qenka në rrezik, ngase me siguri "shkencat politike" kanë edhe për këtë përgjigje por heshtin, atëherë le të kthehemi ne te "dhentë tona"! 

U formua një bllok politik i tretë në IRJM nga tre parti shqiptare, mund që edhe ndonjë tjetër t'i bashkohet, ky bllok ka për qëllim të bën atë që nuk e kanë bërë ato para tyre! Të jetohet më mirë, më qetë, të ketë harmoni njerëzore, të ketë të ardhura më të mira, të ketë jetë më komode, të jetohet në hapësira ku ajri ka kuptim! Aktualisht ku jetojnë shqiptarët në IRJM këto që përmendëm mungojnë, prandaj si rrjedhojë edhe formimi i bllokut në fjalë nga partitë politike RDK, DR, BDSH, siç thamë mund që edhe BDK do të bashkëngjitet si dhe PPD edhe pse këto dy të fundit tani më botërisht dihet se kanë tepër pak besim tek elektorati edhe pse në pyetje janë disa persona të dëshmuar sa i përket anës kombëtare të çështjes. 

Në fakt, këtij unifikimi i parapriu një thirrje e sinqertë e burrit të madh shqiptar, ish kongresisti Joseph Dioguardi, i cili duke parë "principatat" shqiptare se nuk po merren vesh, bëri këtë thirrje për ato që kuptojnë, dhe disa kuptuan, disa nuk kuptuan. Këto që kuptuan i dhanë një dimension jashtëzakonisht të sinqertë këtij unifikimi duke dalë me deklarata se ky bashkim ka për qëllim të zgjedh një çështje e cila tani më me dekada të tëra është temë se vallë shqiptarët kanë pozitë kur janë në pozitë shtetërore apo janë në opozitë? Këtë ide e dha Mr. Bardhyl Mahmuti (BDSH) dhe shikuar nga prizmi njerëzor, del se Bardhyli ka të drejtë kur e shtron këtë pyetje, dhe në të njëjtën kohë nga ky unifikim definitivisht pret që ai dhe të tjerët të bëjnë që shqiptarët të dalin nga statusi i opozitës dhe kur të jenë në pozitë të jenë vërtetë vendimmarrës dhe politikbërës, e jo dekor siç ka qenë këto dy dekadat e fundit në IRJM statusi i shqiptarëve! 

Ky status, do të ndryshonte sikur të bëhej ndryshimi i kushtetutës aktuale e cila favorizon popullin maqedonas (sllavo-folësit) në të gjitha sferat e jetës, idenë për ndryshimin e kushtetutës e dha Prof. Dr. Rufi Osmani dhe kjo ide është edhe në programin partiak të RDK-s. Këtë ide tani e përkrah edhe DR, parti kjo e cila në zgjedhjet e vitit të kaluar për shkak të hileve të "marifeteve zgjedhore" në IRJM nuk mori asnjë deputet edhe pse kishte mbi 20 mijë vota. Të tre këto parti së bashku kanë afër 55 mijë vota nga zgjedhjet e kaluara, kjo tregon se ky bllok niset me ide fikse dhe me bagazh të madh në kushtet që ka IRJM. 

Këtë ide e përkrahi edhe unë, ngase e kaluar është tepër e hidhur, për mos me thënë tepër abuzive nga autorët politik të kohës vis-a-vis elektoratit të tyre, dhe tepër jo transparent, gjithmonë kanë munguar informatat! Shkaku tjetër është se ndoshta jam idealist dhe do të mashtrohem nga unifikimi në fjalë, ndoshta shkencat politike përsëri do t'më tradhtojnë ashtu siç tradhtuan gjatë gjithë historisë, por dua të besoj në sinqeritetin dhe moralin e lartë që bartin bartësit e këtij unifikimi z. Rufi Osmani, z. Kastriot Haxhirexha dhe z. Bardhyl Mahmuti.

Dua të besoj në të gjithë ato që e përkrahin këtë ide dhe të cilët me punë konkrete duan të japin kontributin e tyre në këtë drejtim, dua të besoj ende në sinqeritetin dhe moralin e intelektualëve të mirëfilltë të cilët kanë sakrifikuar gjithçka vetëm e vetëm të mos jenë shërbëtorë të partive politike të cilat ishin në pushtet pa pushtet.

Dua të besoj se megjithatë shkencat politike mundet dhe duhet të demantohen nga njerëz të cilët duan të lënë gjurmë për vendosmëri të ideve të tyre, për sakrificë të qëllimeve të tyre dhe se jo gjithmonë duhet të ju përmbahemi rregullave dhe teorisë së shkencave politike. Dua të besoj, prandaj uroj që shqiptarët të shohin më larg, duke u bërë pjesë unifikimit, pjesë e një qëndrimi, pjesë e një platforme duke hedhur poshtë idetë se një parti politike mund të bën vepra të mëdha. U tregua e kundërta, një parti asnjëherë nuk mund të bën vepra të mëdha pa unifikim të të tjerëve ose pa koncenzus nga të tjerët. Tentativa për grupime tjera, ashiqare do të jenë të dëmshme dhe jo prduktive, ato që mendojnë të bëjnë grupim, le të kyçen në këtë unifikim të aq pritur nga pjesa dërmuese e popullit shqiptarë, tani besoj se edhe ato të cilët janë të zhgënjyer nga partitë politike do të dinë të orjentohen më qartë politikisht duke e dhënë votën e tyre njerëzve të duan të bëjnë ndryshimet pa hile. 

 

Vlerëso tekstin
4.64

Subscribe to comments feed Komente (3 publikuar):

bashkeatdhetari nga SHBA në 09/06/2012 22:38:01
avatar
Plot 35 vite ne mergim kame dashte te besoj ate qe don te beson autori.Fillova te besoj ne moshen e re dhe jame duke besuar edhe si i moshuar.
Nese keto parti bashkohen per ti mundur dy partite e medha shqiptare na sebashku do te vazhdojme te besojme.Besimi yne do te plotesohet ose me mire me thane do te realizohet kur te gjithe se bashku do te punojme per ti pase te gjithe te drejtat si popull
ashtu si qe i kane sllavo-folesit.Nese autori mendon se personat qe i permend jane pa hile ashtu qofte por mos e kercejme lumin pa thane-HOPA.Koha do ta beje te vehten pra na ngele te besojme.
Thumbs Up Thumbs Down
1
Observatori në 11/06/2012 00:51:44
avatar
I nderuar bashkatdhetarë në SHBA! Askush nuk i pengon ato partitë tjera, ose partitë më të mëdha të bashkohen! Këto dy parti bdi dhe pdsh duke menduar se janë të mëdha bëhen mendjemëdhenj edhe nuk e përfillin asnjë thirrje për bashkim! Le të urdhërojnë le të bashkohen, thirrja vlen edhe për ato! pse nuk bashkohen e din ti? I nderuar, të jesh i bindur se ne shqiptaret në irjm jemi duke ua parë sherrin dy personave, ato janë: Ali Ahmeti dhe Menduh Thaçi. Këto dy persona janë pengesë kryesore për të unifikuar qëndrimet shqiptarët. Si duket që të dy e kanë mision përçarjen e shqiptarëve.
Thumbs Up Thumbs Down
1
Willi - DC në 09/07/2012 02:42:57
avatar
I nderuari Observator,
Nese Ju mendoni se fati i shqiptareve varet nga dy persona (A. Ahmeti dhe M. Thaçi), atehere mjere shqiptaret. Nese shqiptaret ne shekullin 21 nuk jane ne gjendje t'i flakin tutje dy horrat qe e moren ne qafe fatin e kombit, atehere le te heshtin dhe durojne shtypjen e sllavit. Tjeter nuk dij çfare te them. Ndoshta shqiptaret ne IRJM e meritojne roberine sepse nuk dijne te kerkojne lirine
Thumbs Up Thumbs Down
1
total: 3 | Treguar: 1 - 3

Publikoni komentin tuaj comment

Ju lutem shënoni kodin që shikoni në imazh:

Tjera nga Opinione
Previous
image
Hej, ju pushtetarë, mos ma denigroni zanatin! – Fadil Lushi
Fjala a nocioni “psikiatër” nuk i takon etimologjisë së gjuhës sonë standarde, por po ta kërkosh domethënien e saj shqip, atëherë të del se me ...
image
Kush ia zgjodhi kriminelët Ramës - Armand Shkullaku
Edi Rama duhet të jetë vërtetë në një hall të madh. Ai mezi arriti të lidhte disa fjali të enjten në Kuvend, kur nisi ...
image
Jo “trotilizimit” dhe “zaptimit” – po perëndimorizimit - Halil Matoshi
Gratë dhe burrat e dy qeverive, ca manekinë tebdilë që po sfilojnë me veshje “Armani”, derisa prapa kanë kombet më leckamane të Evropës - Kosovës dhe Shqipërisë - duke iu shitur kopalla qytetarëve përmes parullave të forta, por anakronike, si ajo “Një popull – një tokë – një ëndërr”. Mirëpo, duke e zëvendësuar nocionin “një komb”, me atë “një popull”, Tirana zyrtare përfundimisht njohu kombin e ri – atë kosovar...
image
A janë shqiptarët e Maqedonisë, qytetarë të rendit të dytë? – Hajredin Ibrahimi
Duke u nisur nga Preambula e Kushtetutës së Republikës së Maqedonisë, e cila qytetarët e Maqedonisë nuk i ndanë në qytetarë të rendit të parë, ...
image
Maqedonia, një shtet me sundimtarë të sëmurë - Enver Robelli
Skandali i përgjimit të mijëra qytetarëve në Maqedoni shpalos një të vërtetë të tmerrshme: shteti fqinj i Kosovës dhe i Shqipërisë, shteti i mbi gjysmë ...
image
Traktati ekonomik mes shqiptarëve – Muhamer Pajaziti
Në kohën kur po bisedohet mundësia e firmosjes së një Traktati Paqeje mes Kosovës dhe Serbinë kam bindjen se debati duhet të fokusohet më shumë në firmosjen e një Traktati mes Shqipërisë dhe Kosovës. ...
image
“Bombat politike” të Kallashit më të rrezikshme se të Zaevit – Kalosh Çeliku
“Bombat” politike të Zaevit, mu si bombat partizane të Boshko Buhës, në filmat partizan jugosllav: “Sutjeska”, “Desanti në Dërvar” e “Kapetan Lleshi”, ku një partizan ...
image
NATO-ja, e pazëvendësueshme në Kosovë - Augustin Palokaj
Kur parashtrohet pyetja se kur do të mund të largohet NATO-ja nga Kosova, përgjigjja duhet të jetë: “Vetëm atëherë kur Kosova të jetë gati ...
image
Të heqim dorë nga ëndrrat abstrakte - Abdirahim Idrizi
Sokrati, para vdekjes i drejtohet njerëzimit me një porosi: Mos mendoni çka flet Sokrati, mendoni për veten tuaj, dhe për të vërtetën! ...
image
Çfarë nuk kemi ne si shqiptarë - Artan Fuga
(Misteret e historisë të Shqipërisë) Ne për qindra e ndofta mijëra vjet jemi qeverisur në mënyrë vertikale. Ose na kanë qeverisur të huajt, grekët, romakët, bullgarët, sllavët ...
image
Unë s’jam kuq e zi! - Nga Gresa Hasa
“Jemi ne, jemi ne, Vijmë nga trojet tona. Nuk na ndan dot askush, Fluturon shqiponja. Po thërret toka jonë, lisat edhe malet; Se ne jemi një ...
image
Kosova dhe ndërhyjra e NATO-s - Burim Ramadani
Kosova nuk ka alterantivë tjetër pos synimit që të jetë anëtare e plotë e NATO-s, organizatë kjo që i kishte dalë në mbrojtje 16 vjet ...
image
Prapaskenat e diplomacisë botërore në njohjen e Kosovës - Jake Flanagin
Përse disa vende që njohin shtetin e Palestinës i kanë kthyer kurrizin Kosovës? Çfarë ndodh pas dyerve të diplomacisë ndërkombëtare dhe si po e përdorin njohjen e Kosovës ose Palestinës, shtetet e ndryshme për të përcaktuar pozicionin e tyre pro apo kundër SHBA-së?...
image
PUT-IN APO PUT-OUT? - Ahmet Dursun
De-kriminalizimi i Parlamentit quhet komedia e fundit…ashtu si propozimi “Kanuni i Lek Hashashit” disa javë më parë, këmbëngulja e radhës për t’u bërë ...
Next