Të varfërit lirohen nga pagesa e rrymës gjatë muajit shkurt në Serbi

Familjet e varfëra në Serbi do të lirohen nga pagesa e energjisë elektrike për muajin shkurt. 

Kjo është theksuar sot nga presidenti serb, Boris Tadiq, gjatë vizitës së tij në Crna Trava dhe Surdulicë. 

Ai ka theksuar se familjet më të varfëra do të kursehen nga pagesa, mirëpo kjo nuk do të thotë se Serbia të harxhojë energji elektrike pa kontrollë.

"Ekzistojnë shumë familje të varfëra, dhe këtë definicion do ta japë elektrodistribucioni i Serbisë. Kërkojmë nga EPS që në muajin shkurt qytetarët të mos ngarkohen me pagesën e energjisë elektrike, mirëpo, ekziston edhe një limit", theksoi presidenti serb, duke shtuar se muaji shkurt është i vështirë për të gjithë.

Ky lajm është mirëpritur edhe në komunat e varfra shqiptare të Luginës së Preshevës, të cilët theksojnë se nuk janë në gjendje për të përballuar krizën dhe shpenzimet e larta të krijuara edhe me faturat e larta të energjisë elektrike. (R.Demiri/INA)