Greqi, plani për Qeveri ekspertësh

Presidenti grek Karolos Papulias sot pritet të vazhdojë negociatat me liderët e partive politike për formimin e koalicionit me një kabinet qeveritar ekspertësh. 

Negociatat mbrëmë janë mbyllur pa ndonjë rezultat, megjithatë ato pritet që të vazhdojnë sot rreth mesdite. 

Agjencia e lajmeve AP ka raportuar se lideri i PASOK, Evangelos Venizelos ka mbështetur propozimin për një qeveri ekspertësh, e cila do të miratonte zgjidhje të shpejt për krizën në vend, ndësa është shprehur edhe ideja për të përfshirë në koalicion edhe partinë e majtë radikale “Siriza”, e cila u radhit e dyta në zgjedhjet e 6 majit. 

Por lideri i “Siriza”, Aleksis Cipras është deklaruar kundër formimit të një qeverie teknokrate me ekspertë, ndërsa një qëndrim të njejtë ka shprehur edhe partia e forcave të majta demokratike DIMAR, Fotis Kuvelis, që ka 19 deputet në Parlamentin e ri, por që përkrahja e saj është e pashmangshme dhe vendimtare. 

Një pjesë e partive politike të bllokut të majtë kanë nënvizuar nevojën e mbajtjes së zgjedhjeve të reja, për shkak të dështimit lidhur me formimin e Qeverisë. Zgjedhjet e reja do të shtonin mëdyshjet dhe planin e dështimit të këtij vendi në eurozonë. (INA)