Nikoliq fiton për president në Serbi

Partia Përparimtare Serbe (SNS) ka shpallur fitoren e kandidatit të tyre presidencial Tomislav Nikoliq përballë kundërkandidatit Boris Tadiq. 

Instituti CESID në bazë të gati rezultateve të numëruara preliminare ka shpallur rezultatet, duke i dhënë Nikoliqit një epërsi prej më shumë se  2 për qind përballë Tadiqit. 

Nga numërimi i votave, Nikoliq ka fituar 49,4 për qind, ndërsa Tadiq 47,4 për qind. 

Nikoliq në fjalimin e tij të parë pas shpalljes së rezultateve të para ka faleminderuar qytetarët e Serbisë për votën e dhënë. Ai ka shtuar se Serbia nuk do të shmanget nga rruga evropiane. 

Ndërkohë, Tadiqi ia ka uruar fitoren Nikoliqit., “Ka qen një fitore fer”, ka thënë ai, duke shtuar e i dëshiron fat Nikoliqit në ushtrimin e funksionit të Presidentit.

Tadiq ka theksuar se nuk do të jetë kryeministër i Qeverisë së re që do të udhëhiqet nga partia që drejton ai. 

Ai i ka lutur të gjitha partitë politike që të drejtohen kah Evropa, të paktën edhe një vit. Ai i luti politikanët që të mos kthehen në vitit e 90.

“Gjatë 8 viteve të kaluar jam mundar që të jem përgjegjës për secilën jetë, për secilin vend të humbur të punës, për çdo situatë. Nuk ka qenë e lehët. Tani dëshiroj që Nikoliq ta dijë se çka e pret”, ka thënë Tadiq.

“Faleminderit për bashkëpunim. Ishte kënaqësi. Shihemi në ndonjë film të ri”, ka përfunduar fjalimin Tadiq. (Rijad Demiri/INA)