Nagip Arifi zgjidhet kryetar i Bujanocit

Kryetari i Partisë Demokratike, mr.Nagip Arifi është zgjedhur për kryetar të komunës së Bujanocit, me votat e partive serbe. 

Edhe pse partitë shqiptare në zgjedhjet e 6 majit në Bujanoc fituan 30 nga 41 këshilltarë komunal, prapa se prap partia fituese e këtyre zgjedhjeve PD arriti marrëveshje për formimin e koalicionit lokal me Grupimin qytetar “Stojança Arsiq”.

Partitë shqiptare PVD e kryetarit të deritanishëm Shaip Kamberi, LPD e Jonuz Musliut dhe partia UDSH nuk arritën për një votë të sigurojnë shumicën për të udhëhequr me komunën gjatë mandatit katërvjeçar. 

Arifi i cili siguroi një maxhorancë të zbehtë dhe të rrezikuar, ai megjithatë ka ftuar partitë e tjera shqiptare që ti kyçen këtij koalicioni. 

Kryetari i Asamblesë Komunale u emërua Hajredin Hyda, profesor i gjuhës dhe letërsisë shqipe, ndërsa sekretar i asamblesë komunale u zgjodh Emrulla Lutfiu.

Kryetari i kuvendit në të ardhmën do ti ketë dy zëvendësa, Veli Idrizin nga radhët e Partisë Demokratike dhe tjetri nga pala serbe, ndërkohë që zëvendës kryetarë i komunës është emëruar Dr. Stojança Arsiç nga radhët e Grupit të Qytetarëve.

Për ta kompletuar udhëheqësinë e pushtetit lokal sot me propozim të kryetarit të komunës, këshilltarët e sapoemëruar kanë votuar edhe për anëtarët e Këshillit Komunal të Bujanocit, ku prej 11 sa janë emëruar, 7 janë nga radhët e Partisë Demokratike dhe 4 nga radhët e subjekteve serbe partnerë të koalicionit. (R.D/INA)