Nesër zgjedhjet e parakohshme në Greqi

Greqia nesër për herë të dytë me radhë për dy muaj do të mbajë zgjedhje të parakohshme, që do të jenë vendimtare për planin e kursimeve apo për kolapsin ekonomik. 

Rreth 9,8 milion qytetarë me të drejt vote do të zgjedhin midis forcave politike që angazhohen për planin e kursimit dhe mes partive të majta që duan një fillim të ri për Greqinë, duke braktisur edhe eurozonën. 

Lideri  i Partisë së Majtë Siriza, Aleksis Cipras (37) ka premtuar se do të hedhë poshtë planin ndërkombëtar për shpëtimin nga kriza, në rast se partia e tij fiton në këto zgjedhje. “Plani i ndihmës është diçka e  vjetër, dhe të hënën përgjithmonë do ti takojë historisë”, deklaroi Cipras. 

Siriza është partia që sipas anketave radhitet në pozicione të barabarta me partinë Demokracia e Re, por vendimtare do të jenë votimet e ditës së nesërme. Andonis Samaras theksoi se partia e tij do të angazhohet për një qeverisje e cila do të mbajë Greqinë në eurozonë dhe se nuk do të luaj me Evropën. (INA)