NYT: Serbët e varfër shesin organet në Bullgari dhe Kosovë

Gazeta prestigjioze amerikane “New York Times” këto ditë ka pasur një storje lidhur me tregtinë ilegale me organe njerëzore në Evropën Lindore, ku siç thuhet qendra e këtij rrëfimi është Serbia. 

Reporteri amerikan i kësaj gazete ka publikuar rrëfime të serbëve nga qytetet Kikinda dhe Doljevc, të cilët kanë pranuar se për shkak të gjendjes së rëndë financiare, kanë shitur organet e tyre, ndërsa blerësit më të interesuar për to janë në Bullgari, Kosovë dhe vende tjera. 

Sipas “NYT”, tregtia me organe njerëzore tashmë po merrë përmasa shqetësuese, ndërsa vendet kryesore që po kryejnë furnizime masive janë Kina, India, Brazili dhe Filipinet, ndërsa së fundi edhe Serbia nuk është përjashtim. 

Violeta Çavac, një aktiviste kundër këtij biznesi ilegal ka theksuar se në Serbi mëse 3 mijë veta janë të interesuar për të shitur organet e tyre, ndërsa një pjesë e tyre ka arritur që të gjejnë kanalet ilegale dhe të përfitojnë paratë, duke hequr dhe shitur organet e tyre. Një veshkë ka një çmim prej 40 mijë eurove, ndërsa më muaj të tërë jepen oferta përmes internetit, për të siguruar ndonjë blerës të interesuar. (INA)