Roçen tërhiqet nga detyra e shefit të diplomacisë malazeze

Ministri i jashtëm i Mali të Zi, Milan Roçen deklaroi sot se tërhiqet nga funksioni i tij. 

“Vlerësoj se tani është momenti kyç që të largohem pas të gjitha sukseseve të politikave të jashtme, me të  cilat Mali i Zi ka realizuar sukes,sidomos tani kur janë hapur negociatat paraqasëse me Bashkimin Evropian dhe pas Samitit të Çikagos të NATO, ku Mali i Zi është një hap para hyrjes në Aleancë”, deklaroi Roçen. 

Ai informoi se vendimi për largimin e tij nga detyra së shpejti do të hyjë në procedura ligjore. Sipas tij, në vend të tij sigurisht do të jetë një kuadër i profesionalizuar në fushën e diplomacisë. Roçen është shefi i parë i diplomacisë i Malit të Zi, pasi që vendi më vitin 2006 shpalli pavarësinë. Ai gjatë kohë ka qenë këshilltari kryesor politik i Milo Gjukanoviq. Roçen nga viti 2003 – 2006 ka qenë ambasador i ish-Jugosllavisë në Federatën Ruse. (INA)