Filloi sot muaji i madhërueshëm i Ramazanit

Sot, myslimanët në të gjithë botën nisin muajin e Ramazanit-muajin e agjërimit, lutjeve dhe veprave të mira.

Ka nisur sot Muaji i Shenjtë i Ramazanit, i cili konsiderohet si njëri nga muajt më të rëndësishëm për besimtarët myslimanë në mbarë botën.

Ramazani është muaji i nëntë i vitit sipas kalendarit të Hixhretit. Në përfundim të këtij muaji, mbi një miliard myslimanët e botës festojnë festën e Eid al-Fitrit, ose siç njihet, Bajramin e Madh.

Muaji i madhështor Ramazan është muaj i agjërimit, lutjes, solidaritetit, dashurisë dhe mirësisë, në të cilin besimtarët gjatë tërë ditës përmbahen nga konsumimi i ushqimit, cigareve, por edhe nga mendimet, idetë dhe veprat e këqija.

E gjithë bota islame gjatë këtij muaji falë teravitë dhe thirrjet për lutje dëgjohen nga të gjitha xhamitë në mbarë botën.

Ramazani është muaji i nëntë i vitit sipas kalendarit të HIXHRETIT. Ajo që e dallon këtë muaj, është agjërimi, të cilin e kryejnë të gjithë besimtarët e botës islame. Në përfundim të këtij muaji një miliard myslimanët e botës festojnë festën e Eid al-Fitr (Bajramin e Madh).

Kryetari i Bashkësisë Fetare Islame në Republikën e Maqedonis, Reiz Ul-Ulema Haxhi Sulejman Efendi Rexhepi në mesazhin e tij të gjithë besimtarëve të fesë islame ua uroi Ramazanin, duke u dëshiruar agjërim të lehtë, shëndet dhe mirëqenie në shtëpitë e tyre.

"Besimtarë të nderuar ta presim këtë muaj në frymën e tolerancës ndërfetare, në frymën e unitetit mes të gjithë njerëzve, pa dallim të përkatësisë së tyre etnike, fetare dhe politike. Le të jetë ky muaj në shenjë respekti ndaj familjes, fiqnjëve dhe ndaj të gjithë njerëzve njësoj. Gjithmonë, e sidomos gjatë këtij muaji, më shumë duhet të mendojnë dhe të kujdesemi për të pamundurit, të sëmurët dhe të varfërit, që në çdo familje të mbizotërojë paqja, dashuria, harmonia dhe ngohtësia familjare", thuhet në mesazhin e kryetarit të BFI-së.

Autoritetet fetare dhe ato politike në Shqipëri, Kosovë, Maqedoni, Luginë të Preshevës, Malin e Zi dhe diasporë u kanë uruar të gjithë besimtarëve myslimanë në vend një agjërim të lehtë, ndërsa kanë bërë thirrje për rritjen e solidaritetit dhe respekti në shoqëri.

Ndërkohë, deklaratat zyrtare të lëshuara të enjtën në Algjeri, Egjipt, Arabinë Saudite, Liban, Jordani, Kuvajt, Katar, Tunizi dhe Jemen njoftuan se Ramazani do të nis po sot në këto shtete. Ndërkaq në Oman, Siri dhe për myslimanët suni në Irak dhe Iran, Ramazani nis të shtunën. (INA)