Zjarret kanë përfshirë edhe rajonin e Luginës

Dy ditët e fundit zjarret kanë përfshirë edhe rajonin e Luginës së Preshevës.

Zjarre masive janë përhapur në zonën e komunës së Bujanocit, ndërsa Shtabi për situata të jashtëzakonshme në këtë komunë ka bërë të ditur se dje ka pasur lëvizje të flakëve në drejtim të Preshevës.

Disa ditë ka zgjatur beteja e zjarrëfikësve me zjarret në Luginën e Preshevës dhe pjesën tjetër të Serbisë Jugore.

Zjarri ka përfshirë terrenin në afërsi të fshatit Bilaç në drejtim të kufirit me Maqedoninë.

Deri tani bëhet e ditur vetëm për dëme të shkaktuara nga djegiet e tokave dhe maleve, ndërsa nuk ka pasur rrezik për banorët dhe vendbanimet rurale. Shtabi për situata të jashtëzakonshme ka informuar se zjarret janë lokalizuar dhe se ato ishin vënë qëllimisht nga persona të caktuar. (R.Demiri/INA)