Pa viza në Ukrainë

Qytetarët e Maqedonisë do të mund të udhëtojnë pa viza në Ukrainë, por kjo do të zgjas vetëm deri më 15 mars të vitit të ardhshëm.

Ky vendim për heqjen e përkohshme të vizave është sjellë nga presidenti ukrainas, me qëllim të frymës së partneritetit dhe marrëdhënieve të mira midis dy vendeve, shpejtimin e bashkëpunimit dypalësh, etj, bëri të ditur ambasada ukrainase në Shkup.

Sipas vendimit, qytetarët e Maqedonisë mund të qëndrojnë për 90 ditë në Ukrainë, duke përfshirë edhe sigurimin e udhëtimit dhe dëshminë se posedon mjete të mjaftueshme financiare për të qëndruar në këtë vend. (INA)