Stankoviq: Nuk ka reciprocitet të drejtave të serbëve të veriut dhe shqiptarëve të jugut

Shefi i trupit Koordinues për Preshevë, Bujanoc dhe Medvegjë Zoran Stankoviq ka thënë sot se deklarata e miratuar nga Kuvendi i këshilltarëve shqiptar ku kërkohet reciprocitet me atë të Serbëve të Kosovës, nuk mund të gjendet në tryezën e bisedimeve në Bruksel.

Stankoviq për RTS, transmeton presheva.com ka thënë se organet shtetërore nuk kanë marrë kurrfarë deklarate që e kanë miratuar në Kuvendin e këshilltarëve shqiptar të tre kuvendeve.

"Këto kërkesa as që i kemi marrë. Ky është një presion duke pasur parasysh që bisedimet që po zhvillohen ndërmjet Beogradit dhe Prishtinës, po tentohet që të tërhiqet një paralele ndërmjet Jugut të Serbisë dhe veriut të Kosovës" ka thënë Stankoviq.

Ai ka përkujtuar se me liderët shqiptar të jugut të Serbisë është arritur marrëveshje që problemet të zgjidhen me afatshkurtër, afat të mesëm dhe afat të gjatë.

"Njëra ndër zgjidhjet afatshkurte që do të realizojmë deri në fillim të vitit 2014 ka të bëjë me vërejtjen e shqiptarëve për librat amë që bëhet vetëm në shkronja qirilike" ka thënë ai.

Ndërsa problemet afatshkurte dhe afatgjatë pritet që të zgjidhen deri në fillim të vitit 2015 gjegjësisht pas vitit 2015. (R.Demiri/INA)