Rrëzohet një aeroplan luftarak rus në Siri

0
epa05214011 A handout picture made available on the official website of the Russian Defence Ministry shows Russian SU-25 strike fighter taking off from the Syrian Hmeymim airbase, outside Latakia, Syria, 16 March 2016. Russian warplanes are leaving the Hmeymim airbase for permanent location airfields in Russia following the order of Russian President Vladimir Putin to withdraw the majority of Russian troops from Syria. EPA/VADIM GRISHANKIN HANDOUT EDITORIAL USE ONLY/NO SALES

Ministria e Mbrojtjes ruse ka konfirmuar se aeroplani luftarak Su-25 është rrëzuar gjatë ditës së sotme dhe se piloti është vrarë.

Në deklaratën e ministrisë thuhet se piloti ka arritur të largohet nga pajisja mirëpo është vrarë derisa ka rezistuar që të mos kapet nga rebelët që po luftojnë kundër qeverisë siriane.

Rebelët që luftojnë me qeverinë në Siri kanë pretenduar se kanë rrëzuar aeroplanin luftarak rus.

Vëzhguesi Sirian për të Drejtat e Njeriut ka njoftuar më herët, se forcat rebele kanë rrëzuar aeroplanin e tipit, Su-25 dhe se piloti ka arritur të largohet.

Është raportur se incidenti ka ndodhur në Provincën Idlib në veriperëndim të Sirisë.

Nuk është bërë e qartë se cili grup rebel është përfshirë, mirëpo xhihadistët e grupit, Hayat Tahrir al-Sham (HTS), janë më së shumti aktiv në këtë zonë.

Rusia ka kryer disa operacione ushtarake në mbështetje të presidentit sirian, Bashar al-Assad nga shtatori i vitit 2015.