“Rruga e Kombit” edhe sivjet pa pagesë

 Rruga e Kombit” do të jetë  pa pagesë edhe gjatë këtij sezoni turistik. Fillimi i vitit 2013 do të shënojë edhe fillimin e pagesës  për shfrytëzimin e autostradës  Milot-Kukës-Morin, bën të ditur korrespondenti i “Kohës Ditore”.

Ndërkohë në tetor të këtij viti do të zhvillohet tenderi ndërkombëtar për konçensionin për këtë rrugë nacionale, tashmë të njohur si “Rruga e Kombit”.  Ministria e  Punëve Publike dhe Transportit në Shqipëri  ka njoftuar fillimin e procedurës për dhënien me konçension me afat 20-35 vjet  për rehabilitimin dhe mirëmbajtjen e autostradës Milot-Kukës-Morin , duke përfshirë edhe mirëmbajtjen e tunelit të Thirrës 5.6 kilometër të gjatë. (INA)