Xhezair Zaganjori kandidat i propozuar për President

Partitë e maxhorancës në Shqipëri mbështesin kandidaturën e ish-kreut të Gjykatës Kushtetuese, Xhezair Zaganjori për President të vendit.

Sipas mediave në Tiranë, në listën prej pesë emrave të kandidatëve, Zaganjori i njohur edhe si diplomat me karrierë dhe jurist i mirënjohur. 

Nuk janë dhënë detaje të tjera mbi kandidaturën e Zaganjorit, dhe vlerësimet e para nga opozita. Në mesin e kandidaturave të tjera kanë qenë edhe emrat e personaliteteve: Ledian Bianku, Artur Kuko, Mimoza Halimi, Amik Kasoruho si dhe Ardian Fullani.

KUSH ËSHTË XHEZAIR ZAGANJORI 

Prof.As.Dr. Xhezair Zaganjori lindi më 9 mars të vitit 1957 në Shkodër, Shqipëri. 

Edukimi 

U diplomua në Fakultetin e Drejtësisë të Universitetit të Tiranës në vitin 1981. 

Karriera 

• Që nga kjo kohë ai ka qenë lektor i së Drejtës Ndërkombëtare Publike, i të Drejtës Evropiane dhe i të Drejtave të Njeriut në Fakultetin e Drejtësisë të Universitetit të Tiranës, në Shkollën e Magjistraturës dhe në Shkollën e Studimeve Evropiane, Tiranë. 

• Gjatë viteve 1992-1997 ka qenë Ambasador i Republikës së Shqipërisë në RF të Gjermanisë. 

• Në vitin 1993 merr gradën shkencore “Doktor i Shkencave Juridike” dhe në vitin 2002 “Profesor i asociuar”. Ka qenë bashkëpunëtor shkencor pranë Institutit Max-Planck, Heidelberg. 

• Në vitin 1991 është zgjedhur anëtar i Gjykatës së Pajtimit dhe Arbitrazhit pranë OSBE-së me seli në Vjenë. 

• Është autor i një sërë botimesh shkencorë brenda dhe jashtë vendit. Është pjesëmarrës aktiv në Kongrese e Konferenca të ndryshme ndërkombëtare brenda dhe jashtë vendit. 

• Që nga viti 2003 ushtron funksionin e anëtarit të Gjykatës Kushtetuese.