Patozi takon Ruçin për kandidaturën e Xhezair Zaganjorit

Negociatorët e Partisë Demokratike dhe Partisë Socialiste janë takuar mëngjesin e sotëm në Kryesinë e Kuvendit. Kreu i Grupit Parlamentar të PS-së Gramoz Ruçi dhe deputeti Saimir Tahiri, së bashku me kreun e grupit të PD-së, Astrit Patozi dhe deputetin Edmond Spaho do të diskutojnë mbi kandidatin e propozuar nga mazhoranca Xhezair Zaganjori.

Ndryshe nga takimet e mëparshme, këtë herë mazhoranca ka emrin e një kandidati për postin e kreut të shtetit. Xhezair Zaganjori, do të jetë dhe kandidatura me të cilin maxhoranca do të hyjë sot në votimin e parë në parlament të parashikuar për presidentin e ri të vendit. Pritet reagimi zyrtar i opozitës ndaj kandidaturës së paraqitur nga shumica, miratimi i së cilës në Kuvend, kërkon 84 nga 140 votat e anëtarëve të parlamentit. (NOA/INA)