PD do të mbajë Ministrinë e Brendshme

Partia Demokratike në Shqipëri do të mbajë postin e Minsitrisë së Brendshme, pas zgjedhjes së ministrit të deritanishëm Bujar Nishani në detyrën e presidentit të vendit. 

Shefi i grupit parlamentar të PD-së, Astrit Patozi ka deklaruar në një intervistë për “Vizion Plus” se PD nuk ka ndërmend të lëshojë postin e ministrit të brendshëm për aleatët e koalicionit. 

“Vakanca në ministrinë e Brendshme nuk prish performancën e Qeverisë. Gjithsesi për kohën e zëvendësimit besoj se do të bëhet nga kryeministri në kohën më të përshtatshme. Sa për përfaqësuesin, Nishani u largua nga kjo ministri si përfaqësues i PD-së dhe i takon kësaj partie”, ka theksuar Patozi për “Vizion Plus”, transmeton NOA.

Sipas tij, Fatos Nano nuk ka patur asnjë shans për të qenë një president konsensual, por ka patur shans për të qenë kandidat i PS-së të cilën e themeloi dhe e drejtoi për të paktën 15 vjet. (INA)