Priten ndryshime në Qeverinë shqiptare

Në Shqipëri nga java e ardhshme priten ndryshme brenda koalicionit qeveritar, pas zgjedhjes së ish-ministrit të brendshëm, Bujar Nishani në postin e presidentit të vendit. 

Kreu i LSI, Ilir Meta së fundi ka paralajmëruar ndryshimet dhe freskimet brenda Qeverisë. PD tashmë është e vendosur se do të mbajë ministrinë e brendshme dhe  se ajo nuk do ti takojë asnjë nga partive aleate. Në detyrën e ministrit pritet të jetë Sokol Olldashi, ministri aktual i Transporteve, ndërsa LSI pritet të përfitojë Ministrinë e Mbrojtjes, ndërsa si emrat e mundshëm nuk përjashtohet edhe vetë lideri i kësaj partie, Ilir Meta. 

Sipas gazetës "Sot", në zyrat e Partisë Demokratike thuhet se ndryshimet në qeveri mund të bëhen vetëm pas betimit presidentit Nishani, më 20 korrik, por nuk përjashtohet mundësia që të fillojë më parë, ndërkohë që Meta ka bërë gati kostumin ministror për të shkuar në detyrën e re.

Ndërsa, aleati tjetër i Berishës, Shpëtim Idrizi, duket se do të marrë në dorë ministrinë e Kulturës, megjithëse ai vetë, nuk ka ndonjë lidhje të qartë me kulturën. Në fund të fundit këtu nuk ka asgjë të keqe sepse PD-ja, gjithmonë ka vënë në krye të Ministrisë së Kulturës njerëz që nuk kanë pasur kulturë as në nivelin mesatar. (INA)