Kryeministri Berisha tjetër rekord në not

Kryeministri Sali Berisha ka shënuar një rekord të ri të qëndrimit të tij në ujërat e detit Jon.

Kreu i qeverisë, i cili po vijon pushimet në jug të vendit, në Dhërmi ka qëndruar sot në ujërat e detit Jon për 2 orë e 52 minuta.

Kryeministri Berisha është futur në ujë në orën 09:10 minuta dhe ka dalë prej andej në orën 12:02 minuta.

Ndërsa në muajin korrik të këtij viti, kryeministri Sali Berisha i frymëzuar nga shpirti olimpik, vendosi rekordin persona, 141 minuta not në ujërat e mrekullueshme të detit Jon,  kundrejt 132 minutave të një viti më parë.

Noti filloi në orën 9:10 dhe përfundoi në orën 11:31 minuta.

“Zëri i detit Jon më tha se ky rekord i ri personal është një ogur i bardhë për fitoren e merituar të zgjedhjeve të 2013”, është shprehur kryeministri.

Pushimi në Dhërmi gjatë sezonit veror për kryeministrin Berisha, është kthyer në një ritual pothuajse të përvitshëm.

Noti është një prej pasioneve të kryeministrit Sali Berisha. Në vitin 2011 kryeministri Sali Berisha notoi 132 minuta.

Ndërsa në vitin 2010, kryeministri notoi në ujërat e deti Jon 127 minuta. Po ashtu dhe gjatë vitit 2009, kryeministri ka thyer një tjetër rekord personal. Në plazhin e Dhërmiut ai notoi 123 minuta.(NOA/INA)