Historia favorizon Chelsean, bastet Bayernin!

Kanë mbetur edhe pak orë para se në fushë të zbresin finalistët e Ligës së Kampionëve për të ofruar ethet e fundit të kësaj gare në sfiden finale. Bayern Munchen-Chelsea është sfida e cila sot do të ketë 1 fitues, 1 kampion të ri në Ligën e Kampionëve.

Kjo është hera e gjashtë që titulli i klubit më të mirë në Evropë diskutohet mes një ekipi gjerman dhe një anglez. Bilanci i pesë ndeshjeve të mëparshme flet më shumë për ekipet angleze që kanë fituar 4 të tilla kundrejt 1 të gjermanëve.

Herën e parë që finalja ishte anglo-gjermane ishte ajo e vitit 1975 mes Bayernit dhe Leeds United e fituar nga bavarezët me rezultatin 2-0. Në vitin 1977 në finalen e Kupës së Kampioneve dolën Liverpuli me Borusia Monchengladbach, në të cilën ndeshje në fund me rezultatin 3:1 kishte dalë fitues skuadra angleze.

Tre vite më pas (1980) në finalen e madhe u takuan Hamburgu dhe Notingem Foresti, skuadër kjo e cila në fund shënoi fitore minimale 1-0.

Në vitin 1982, Aston Vila në finalen e madhe mundi pikërisht Bajernin Munihut 1-0, ndërsa në një ndër finalet më interesante që do e mbajë mend historia, është finalja e vitit 1999-të, kur në “Kamp Nou” Bajerni i Munihut edhe pse deri në minutën e fundit të takimit kishte epërsi minimale 1:0 falë golit të Basler, në minutat shtesë “djajtë e kuq” falë golave të shnëuar nga Sheringam dhe Solskjaer arriti të shënojë dy gola të shpejtë dhe të ngrejë kupën lartë.

Ndërsa në bastet evropiane dhe botërore, favorit është Bayern Munchen e cila skuadër për fitore kuotohet me 1.75, ndërsa ajo e Chelseat me 4.8. Barazimi në këtë takim në 90 minuta kuotohet me 3.6.