Java e parë e kampionatit të Maqedonisë në boks

Në organizim të FBM dhe të KB “Fajter Ileri” në cilësinë e organizatorit teknik, në Kumanovë u zhvillua java e parë e kampionatit të Maqedonisë në boks për kadet, junior dhe senior.

Në këtë aktivitet sportiv, që ka sjellë shumë ndryshime në aspektin organizativ dhe të pjesëmarrjes ( pagesa ose kotizacioni për pjesëmarrje), kanë marrë pjesë klubet e boksit nga Kumanova, Struga, Shkupi, Manastiri, Shtipi dhe Tetova.

Pas dy parameçeve të zhvilluara për pionier, në grupmoshat e kadetëve u zhvilluan 3 ndeshje, në grupmoshat junior 2 ndërsa në ate të seniorëve u zhvilluan 2 ndeshje.

Në përgjithësi, mund të thuhet se boksierët treguan veti dhe karakteristika sportive që u pëlqyen nga publiku dhe vetë trainerët. Spikatë ndeshja ndërmjet Daut Shaqirit nga KB “Çair” dhe Altin Skenderit nga KB “Sindi” i cili për herë të parë ngjitet në ring dhe pikërisht në kategorinë e seniorëve në peshat deri 75 kg. Natyrisht se epërsia ishte në anën e Shaqir Dautit, por kundërshtari kënaqi të gjithë të pranishmit.

Ndeshje e pëlqyer ishte edhe dueli ndërmjet Ardi Hanit KB “Sindi” dhe Stefan Petreskit KB “Ohrid”, në kategorinë junior në peshat deri 75 kg ku Ardi Hani ishte në nivel më të lartë teknik dhe taktik duke shënuar fitore të padiskutueshme, posikur edhe Ramadan Tairi nga KB “Çair”, i cili e mposhti Gorjan Srbinovski nga KB “Branitel” nga Manastiri. Ndërkaq, disa ndeshje ishin vetëm formalitete ku boksierët me eksperiencë kishin përparësinë e tyre evidente që u dëshmua me fitore me ndërprerje.

Rezultatet: 

Kadet:

52 kg. Adil Bajrami(Shkupi)- Seven Durmishev (Bargalla)          0:2

57 kg. Rexhep Jasharov (Barg.)-Xhemail Sakipovski (F.Ileri)      0:2

60 kg. Visar Jahiu (Çair)-  Osman Demirov (Bargala)                   0:2

Junior:

69 kg. Gorjan Srbinovski (Branitel)- Ramadan Tairi (Çair)           0:2

75 kg. Stefan Petreski (Ohrid)- Ardi Hani (Sindi)                          0:2

Senior:

60 kg. Mendo Xheladin (Ternipe)- Robert Mustafi (F.Ileri)           2:0

64 kg.Muhamed Kadriev (Barg)- Nikola Mitevski (F.Ileri)            2:0

69 kg. Bojan Risteski (Ohrid)- Visar Krasniqi (Skendija) ndërprerje r.1

75 kg. Daut Shaqiri (Çair) – Altin Skenderi (Sindi)                        2:0

81 kg. Ilço Jonoski (Ohrid)- Sinan Xheladin (Ternipe)      ndërprerje r.2

91 kg. Petar Çotoroshkoski (Ohrid)- Dimitar Tashkov (Barg) ndërprerje r.1