Milan pas Xhemajlit, çmimi 13 milion euro

Gjiganti italian, Milan, nëse dëshiron ta ketë në skuadër mesfushorin shqiptar, Blerim Xhemajli, duhej t'i paguante Napolit 13 milionë euro, raportojnë mediet italiane të enjten.

Sipas medieve italiane, Xhemajli është ideal për mesfushën e Milanit, pasi në pozitën ku luan reprezentuesi i Zvicrës, Milani ka mungesë.

"Xhemajli do të ishte përforcim ideal për rossonerët. Është një mesfushor cilësor dhe ka një çmim të ulët në krahasim me mesfushorët e tjerë që janë në listën e Milanit. Milani duhet t'i paguajë 13 milionë euro Napolit, nëse dëshiron ta ketë Xhemajlin në skuadër", ka thënë një burim brenda klubit kuqezi të mërkurën, njofton "direttanews.it". Xhemajli 26-vjeçar ka kontratë me Napolin deri në qershor të vitit 2015.