Pepe përfundon në spital

Lojtari defanziv i Real Madridit, Pepe ka përfunduar mbrëmë në spital pas lëndimit të rëndë që pësoi në ndeshjen e xhiros së parë të ligës së parë spanjolle me Valencian.

Pepe në minutën e 42 është përplasur me golmanin Casillas, në rastin kur Valencia përmes Zhonas ka barazuar rezultatin 1:1. Nga ky kërcim i lartë, dy lojtarët e Real kanë mbetur në tokë të shtrirë, mes tyre Pepe, i cili ka marrë goditje të rëndë në kokë. Nga kontrollet e para është konstatuar se lojtari portugez nuk ka dëmtime në tru, por ai do të kalojë 24 orë në spital. “Pepe është në spital, dhe të shohim se si po zhvillohet gjendja e tij. Ai është lojtar i rëndësishëm për ne, por shëndeti i tij është më me rëndësi”, ka deklaruar Kristian Ronaldo. (INA)