Sulmi ndaj Sinadinovskit më shumë është politike sesa kishtare shqiptare

0

Sulejman MEHAZI/

Ditëve të fundit nëpër portalet e shumta publikohet fytyra e plagosur, e enjtur dhe e përgjakur e iniciatorit për themelimin e Kishës Ortodokse Shqiptare në Maqedoni, Prof.dr Branko Sinadinovski, shqiptarin ortodoks nga Reka e Epërme.
Pse e sulmuan?, kush e sulmoi?, qëllimi i rrahjes mbetet enigmë? Këtë e deklaroi dhe vet zotëri Sinadinovski, pasi kanë qenë të maskuar e s’ka mundur t’i njoh sulmuesit ndaj tij.

Si qytetar i këtij shteti na lejohet të japim disa mendime, për çfarë shkaku e sulmuan dhe e rrahën keq profesorin e nderuar Sinadinavskin.
– Se sulmuesit qindpërqindë janë ekstremistë maqedonas të partisë nacionaliste  e të korruptuar VMRO, për shkak deklarimit  identitar familjar shqiptar  të Prof Sinadinovskit;
– Se profesor Sinadinovski është rrahur për shkak themelimit të Kishës Fetare Ortodokse Shqiptare në R. e Maqedonisë.

Mirëpo e vërteta e rrahjes të profesorit, për mendimin tonë, është më shumë politike e partiake sesa kishëtare e identitare shqiptare.
Viti 2018 është vit i zgjedhjeve presidenciale, rrethanat politike koalicionuese qeveritare LSDM-BDI, ia bëjnë të mundshme prof. Sinadinovskit që gjatë zgjedhjeve presidenciale ta sfidonte Ivanovin si president shteti me anë të një marrëveshtje koncezuale të Zaevit e Ahmetit.
Dora e zezë maqedonase vëmëroiste duke parë rrezikun e sfidës presidenciale kundruall forcës  autoritative shqiptare-maqedonase e sulmojnë deri në alivanosje zotëri Sinadinovskin.

Komentet

komentet